लग्नपत्रिका वाटताना केले मुलीचे अपहरण, सामूहिक बलात्कार करून विकले झांसीत

दिवसेंदिवस बलत्काराच्या घटना वाढत आहे. रात्री सोडा दिवसाही महिला सुरक्षीत नसल्याचे उदाहरण पुन्हा एकदा समोर आले आहे. उत्तर प्रदेशातील (UP) 18 वर्षीय मुलीचे अपहरण करून तिच्यावर तिन नराधमांनी बलात्कार केल्याची घडना घडली आहे. ती तिच्या लग्नासाठी निमंत्रण पत्रिका वाटण्यासाठी जात असताना तिचे अपहरण करण्यात आले. आणि त्यानंतर तिच्यावर बलात्कार करण्यात आला. झाशी जिल्ह्यात तीन नराधमांनी तिच्यावर बलात्कार केल्याचा खळबळजनक आरोप पिडीत मुलीने केला आहे. (UP woman Rape Case)

महिलेने असाही आरोप केला आहे की, आरोपीने तिला एका राजकीय पक्षाच्या नेत्याकडे नेले आणि नंतर मध्य प्रदेशातील दतिया जिल्ह्यातील शेजारच्या गावात तिला एका अनोळखी व्यक्ती सोबत राहण्यास भाग पाडले, पोलिसांना दिलेल्या तक्रारीत महिलेने आरोप केला आहे की, ती 21 एप्रिल रोजी होणाऱ्या लग्नाची पत्रिका वाटण्यासाठी 18 एप्रिल रोजी बाहेर जात होती दरम्यान गावातील तीन तरुणांनी तिचे अपहरण केले, अशी माहिती घटनेचा तपास करत असणाऱ्या पोलिसांनी दिली आहे.

त्यांनी तिला काही दिवस वेगवेगळ्या ठिकाणी ठेवले आणि नंतर तिला एका नेत्याकडे सोपवले, ज्याने तिला आणखी काही दिवस झाशीत ठेवले, पोलिसांनी दिलेल्या माहितीनुसार, त्यानंतर महिलेला तिच्या इच्छेविरुद्ध दुस-यासोबत राहण्यासाठी मध्य प्रदेशातील दतिया येथील गावात पाठवण्यात आले आणि तेथे तिच्या सोबत जबरदस्ती करण्यात आली.

महिलेने काही लोकांविरुद्ध तिचे अपहरण, बलात्कार आणि विक्री केल्याप्रकरणी दिलेल्या तक्रारीवरून संबंधित कलमांखाली गुन्हा दाखल करण्यात आला आहे आणि दंडाधिकार्‍यांसमोर तिची जबानी नोंदवण्यात आली आहे, अशई माहिती तेहरौली मंडल अधिकारी (CO) अनुज सिंह यांनी दिली.