नवी दिल्ली : केंद्र सरकारने आपल्या कर्मचाऱ्यांना मोठी भेट जाहिर केली असून केंद्रीय कर्मचाऱ्यांच्या महागाई भत्त्यात ३ टक्क्यांनी वाढ करण्यात आली आहे. या वाढीनंतर महागाई भत्ता ३४ टक्क्यांवर पोहोचला आहे. जाहीर केलेली भाडेवाढ १ जानेवारी २०२२ पासून लागू होईल. तर महागाई भत्ता वाढल्याने केवळ केंद्र सरकारच्या कर्मचाऱ्यांनाच फायदा याचा होणार नाही तर केंद्र सरकारकडून पेन्शन मिळवणाऱ्या कुटुंबानाही याचा फायदा होईल. त्यांना ही दरवाढ डिअरनेस रिलीफ (DR) स्वरूपात मिळणार आहे. (Union Cabinet approves DA hike for central govt employees)
दरम्यान याबाबत आज जारी केलेल्या प्रसिद्धीपत्रकानुसार, पंतप्रधान नरेंद्र मोदी (Prime Minister Narendra Modi) यांच्या अध्यक्षतेखालील केंद्रीय मंत्रिमंडळाने महागाई भत्ता (DA) आणि पेन्शनधारकांना महागाई सवलत (DR) चा अतिरिक्त हप्ता जारी करण्यास मान्यता दिली. तसेच महागाई भत्ता आणि महागाई रिलीफ या दोन्हींचा एकत्रित परिणाम वार्षिक रु. 9,544.50 कोटी असेल. याचा फायदा सुमारे 47.68 लाख केंद्र सरकारी कर्मचारी आणि 68.62 लाख पेन्शनधारकांना (pensioners) होणार आहे.
तर सातव्या वेतन आयोगाच्या (7th pay commission) शिफारशींनुसार, महागाई भत्ता आणि महागाई रिलीफ वर्षातून दोनदा वाढवली जाते. ही वाढ सहामाही आधारावर केली जाते. यावेळी 1 जानेवारी ते 30 जानेवारीपर्यंत ही वाढ लागू होणार आहे. तर 1 जानेवारी 2022 पासून हा निर्णय लागू झाल्याने केंद्रीय कर्मचारी आणि पेन्शनधारकांना तीन महिन्यांची थकबाकीही मिळणार आहे.
दरम्यान कोरोना साथीच्या (coronavirus pandemic) आजारामुळे सरकारने (government) 1 जानेवारी 2020 ते 30 जून 2021 पर्यंत DA/DR मधील वाढ थांबवली होती. तथापि, सरकारने 1 जुलै 2021 पासून DA/DR मध्ये पुन्हा वाढ सुरू केली आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
