रशियाकडून खनिज तेल खरेदी केल्याचे कारण देत अमेरिकेचे अध्यक्ष डोनाल्ड ट्रम्प यांनी भारतीय वस्तू आणि उत्पादनांवर आणखी २५ टक्के एवढे आयातशुल्क लावण्याची घोषणा केली आहे. भारताला दंड म्हणून ट्रम्प यांच्याकडून ही घोषणा करण्यात आली.
अध्यक्ष ट्रम्प यांनी यासंबंधीच्या कार्यादेशावर स्वाक्षरी केली आहे. आता या ताज्या आदेशानंतर भारतावरील आयातशुल्काचे प्रमाण हे पन्नास टक्क्यांवर पोहोचले आहे.
ट्रम्प यांनी याआधी जाहीर करण्यात आलेले आयातशुल्क हे उद्यापासून (ता.७) लागू होणार असून त्यात जी आणखी वाढ करण्यात आली आहे ती २७ ऑगस्टनंतर लागू होईल, अशी माहिती सूत्रांनी दिली.
काही खास वैशिष्ट्यपूर्ण वस्तूंच्या निर्यातीला या आयातशुल्कातून सवलत मिळू शकते असेही बोलले जाते. जी वस्तू आणि उत्पादने अद्याप अमेरिकेत पोचलेली नाहीत पण ती अर्ध्या रस्त्यामध्ये आहेत त्यांना सूट दिली जाऊ शकते. जी उत्पादने आधीच अमेरिकेमध्ये पोचली आहेत त्यांनाही सूट मिळू शकते.
मोदी जाणार चीन दौऱ्यावर?
अमेरिका आणि भारत यांच्यात व्यापारी करारावरून सुरू असलेली बोलणी अद्याप निर्णायक पातळीवर पोचली नसताना पंतप्रधान नरेंद्र मोदी हे पुढील महिन्यामध्ये चीनच्या दौऱ्यावर जाणार असल्याचे समजते. येथे आयोजित शांघाय सहकार्य संघटनेच्या (एससीओ) बैठकीमध्येही ते सहभागी होतील, अशी माहिती सूत्रांनी दिली. जपान भेटीने (२९ ऑगस्ट) या दौऱ्याला सुरुवात होणार अाहे.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.