झारखंड: दुमका शहरातील प्रसिद्ध पर्यटनस्थळ मिनी गोवा येथे चार शालेय विद्यार्थी बुडाल्याची घटना घडली आहे. यातील एकाचा मृतदेह सापडला असून, तीनजण अद्याप बेपत्ता आहेत. इतरांचा शोध तपास पथकाकडून घेतला जात आहे. मयुराक्षी नदीच्या किनारी हे मिनी गोवा प्रसिद्ध पर्यटन स्थळ आहे.
मिळालेल्या माहितीनुसार, कृष्ण सिंह (१७) या मुलाचा मृतदेह सापडला असून, इतरांचा तपास घेतला जात आहे. या घटनेमुळे सर्वत्र शोककळा पसरली असून, घटनास्थळी बघ्यांची मोठी गर्दी झाली आहे.
आर्यन (रा. गोड्डा) आणि कृष (सोनवाडंगाल) अशी बेपत्ता झालेल्यांची नावे आहेत. तिसऱ्या मुलाचे नाव अद्याप समोर आलेले नाही.
चारजणांपैकी तीनजण शालेय विद्यार्थी असून, एकजण महाविद्यालयात शिक्षण घेत होता. झारखंड येथील दुमका शहरात मयुराक्षी नदीच्या किनारी मिनी गोवा नावाचे प्रसिद्ध पर्यटन स्थळ निर्माण करण्यात आले आहे. या पर्यटनस्थळाची लोकांमध्ये मोठी क्रेझ असून, मोठ्या संख्येने पर्यटक या पर्यटनस्थळाला भेट देत असतात.
दरम्यान, या घटनेमुळे परिसरात खळबळ निर्माण झाली आहे. घटनेची माहिती मिळताच स्थानिक प्रशासन आणि पोलिसांनी घटनास्थळी धाव घेत, बचावकार्यास सुरुवात केली आहे. बेपत्ता मुलांचा अद्याप शोध सुरु आहे.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
