मडगाव: केरळ (Kerala) येथील पालघट येथील पडिल कुलसेकरा (Padil Kulasekara) येथे रेल्वे मार्गावर कोसळलेली दरड अजून काढली न गेल्याने दुसऱ्या दिवशीही दक्षिण रेल्वेचे वेळापत्रक कोलमडले. यामुळे तीन गाड्या रद्द करण्यात आल्या तर चार गाड्यांचे मार्ग बदलण्यात आले. काल ही दरड कोसळून रेल मार्गावर माती आली होती. या दरडी बरोबर संरक्षक भिंतही कोसळली. हा अडथळा दूर करण्यासाठी प्रयत्न जरी सुरू केले असले तरी कोसळत असलेल्या मुसळधार पावसामुळे कामात व्यत्यय येत होता.
रेल्वेने दिलेल्या माहितीनुसार यामुळे आजची 17 तारखेची बंगळुरू- कारवार स्पेशल, 18 तारखेच्या कोचुवेली- एलटीटी गरीबरथ आणि थिरुवनंतपुरम- एलटीटी नेत्रावती एक्सप्रेस या तीन गाड्या रद्द करण्यात आल्या. काल थिरुवनंतपुरम येथून सुटलेली निझमुद्दीन एक्सप्रेस एरोडमार्गे कल्याण, नेत्रावती एक्सप्रेस पडील मार्गे लोंढा मडगाव, जबलपूर - कोईमतूर एक्सप्रेस पनवेल, हुबळी एरोड मार्गे तर निझमुद्दीनहुन काल थिरुवानंतपुरम येथे जाण्यास सुटलेली गाडी पनवेल हुबळी एरोडमार्गे वळविण्यात आली आहे. उद्या 18 रोजी कोचुवेली येथून पोरबंदर येथें जाण्यास सुटणारी साप्ताहिक एक्सप्रेस सकाळी 9.15 वाजता सुटण्याऐवजी रात्री 7.15 वाजता म्हणजेच 10 तास उशिरा सोडण्यात येणार असल्याचे कळविले आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
