Weather Update: मॉन्सून केरळ किनारपट्टीवर 5 दिवस आगोदरच होणार दाखल?

Weather Update: उष्णतेच्या दाहकतेचा सामना करणाऱ्या देशातील बहुतांश भागातील जनतेला दिलासा देणारी बातमी आहे. मॉन्सून 15 मे रोजी केवळ अंदमान आणि निकोबार बेटांवरच पोहोचणार नाही, तर 25 मे रोजी केरळच्या किनारपट्टीवरही पोहोचेल, जे त्याच्या सामान्य वेळेपेक्षा सुमारे पाच दिवस अगोदर असणार आहे. नैऋत्य मॉन्सून हा भारताच्या कृषी आधारित अर्थव्यवस्थेचा कणा मानला जातो. केरळच्या किनार्‍यावर वेळेच्या पाच दिवस अगोदर पोहोचणे अपेक्षित आहे. साधारणपणे 1 जून रोजी मॉन्सून केरळच्या किनारपट्टीवर पोहोचतो. (The monsoon is expected to reach the Kerala coast five days ahead of time according to the meteorological department)

भारतीय हवामान खात्याने सांगितले की, 'यंदा नैऋत्य मॉन्सून आपल्या नियोजित वेळेपूर्वी केरळमध्ये पोहोचेल. नियोजित वेळेच्या सुमारे 4-5 दिवस आधी तो दाखल होऊ शकतो.'

भारतीय हवामानशास्त्र विभागाच्या वतीने असे सांगण्यात आले आहे की, "यंदा नैऋत्य मॉन्सून (Monsoon) केरळमध्ये (Kerala) नियोजित वेळेपूर्वी दाखल होण्याची शक्यता आहे. या वर्षी दक्षिणेकडील केरळ राज्यात मॉन्सून 27 मे पर्यंत पोहोचेल."

पंधरवड्याहून अधिक काळ उष्णतेने त्रस्त असलेल्या देशातील बहुतांश भागातील लोकांना मॉन्सून लवकर आल्याने दिलासा मिळेल. 14 ते 16 मे दरम्यान द्वीपसमूहात काही ठिकाणी मुसळधार पावसाची शक्यता आहे. विभागानुसार, 15 आणि 16 मे रोजी दक्षिण अंदमान समुद्रावर 40 ते 60 किमी प्रतितास वेगाने वाऱ्याची शक्यता आहे.