काँग्रेसचे ज्येष्ठ नेते आणि माजी केंद्रीय मंत्री सलमान खुर्शीद (Salman Khurshid) यांचे नवे पुस्तक 'सनराईज ओव्हर अयोध्या' सातत्याने वादात सापडले आहे. पण दिल्ली उच्च न्यायालयाने खुर्शीद यांना दिलासा देत पुस्तकावर बंदी घालण्याची मागणी करणारी याचिका फेटाळून लावली. न्यायालयाने म्हटले की, जर लोक इतके संवेदनशील वाटत असतील तर आम्ही काय करू शकतो. कोणीही त्यांना ते वाचण्यास सांगितले नाही.
खरे तर या पुस्तकात सलमान खुर्शीद यांनी हिंदुत्वाची तुलना आयएसआयएस (ISIS) आणि बोको हराम सारख्या कट्टरवादी संघटनांशी केली आहे. त्यानंतर यावर आक्षेप घेतला जात होता. दरम्यान, दिल्लीचे वकील विनीत जिंदाल (Vineet Jindal) यांनी सलमान खुर्शीद यांच्या ‘सनराईज ओव्हर अयोध्या’ या पुस्तकाच्या (Book) प्रकाशन आणि विक्रीवर बंदी (Prohibition on publication and sale of books) घालण्यासाठी दिल्ली उच्च न्यायालयात (Delhi High Court) याचिका दाखल केली होती.
पुस्तकात हिंदुत्वाची तुलना इसिस आणि बोको हराम सारख्या दहशतवादी संघटनांशी करण्यात आली असून त्यामुळे देशातील कोट्यवधी हिंदूंच्या भावना दुखावल्या गेल्याचे याचिकेत म्हटले आहे. याचिका फेटाळून लावताना न्यायालयाने म्हटले की, जर लोक इतके संवेदनशील वाटत असतील तर आम्ही काय करू शकतो. कोणीही त्यांना ते वाचण्यास सांगितले नाही. तुम्ही डोळे बंद करून वाचू शकत नाही, असेही न्यायालयाने म्हटले आहे.
पुस्तकावरून झालेल्या वादानंतर नैनितालमधील रामगढ येथील खुर्शीद यांच्या घराची तोडफोड करण्यात आली आणि जाळपोळही करण्यात आली. त्यानंतर फेसबुक पोस्टमध्ये खुर्शीद म्हणाले, 'मी अजूनही चूकीचा आहे का? हे हिंदुत्व असू शकते का?'' यासोबतच त्यांनी अनेक व्हिडिओही शेअर केले आहेत, ज्यामध्ये काही लोक भाजपचा झेंडा घेऊन धार्मिक घोषणा देताना दिसत आहेत. यासोबतच त्याने अनेक व्हिडिओही शेअर केले आहेत, ज्यामध्ये काही लोक भाजपचा झेंडा घेऊन धार्मिक घोषणा देताना दिसत आहेत.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
