Kanpur Rural: कानपूर ग्रामीण भागातील एका गावात बुधवारी सकाळी प्राथमिक शाळेत शिकवणाऱ्या एका शिक्षिकेवर चार जणांनी सामूहिक बलात्कार केला. त्यानंतर आरोपींनी तिला जीवे मारण्याची धमकीही दिली. दुसरीकडे, या घटनेची माहिती मिळताच पोलिसांनी घटनास्थळ गाठून तपास सुरु केला. शिक्षिकेच्या तक्रारीवरुन चारही आरोपींविरुद्ध सामूहिक बलात्काराचा गुन्हा दाखल करण्यात आला.
दरम्यान, कोतवाली परिसरातील रहिवासी असलेल्या सरकारी शिक्षिकेने पोलिसांना सांगितले की, 'मी बुधवारी सकाळी स्कूटीवरुन शाळेत जात होती. यादरम्यान, भोगनीपूर येथील रहिवासी संजय पाल, अनीस पाल, देवेंद्र आणि दीपक या चार जणांनी मला रस्त्यात अडवले. यानंतर सर्वांनी मला तोंड दाबून ओढत जवळच्या शेतात नेले, आणि तिथे माझ्यावर बलात्कार केला.'
यानंतर हे सर्वजण जीवे मारण्याची धमकी देऊन पळून गेले. आरोपींच्या तावडीतून सुटका झाल्यानंतर पीडित शिक्षिकेने 112 क्रमांकावर पोलिसांना (Police) या घटनेची माहिती दिली. पोलिसांनी घटनास्थळ गाठून तपास केला. शिक्षिकेने कोतवालीत चार आरोपींविरुद्ध तक्रार दाखल केली, त्यावरुन पोलिसांनी गुन्हा नोंदवला.
दुसरीकडे, रात्री उशिरापर्यंत एकाही आरोपीला (Accused) अटक होऊ शकली नाही. कोतवाल राजेश कुमार सिंह यांनी सांगितले की, 'शिक्षिकेच्या तक्रारीवरुन चार जणांविरुद्ध गुन्हा नोंदवून तपास सुरु केला आहे. या शिक्षिकेला वैद्यकीय तपासणीसाठी जिल्हा रुग्णालयात (Hospital) पाठवण्यात आले आहे.'
शिवाय, शिक्षिकेच्या तक्रारीवरुन चार जणांविरुद्ध सामूहिक बलात्काराचा गुन्हा दाखल करण्यात आला आहे. प्राथमिक तपासात दोन्ही पक्षांमध्ये वाद झाल्याचे समोर आले आहे. चर्चेच्या आधारे पुढील कार्यवाही केली जाईल.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
