Tamil Nadu Accident: तामिळनाडूतील निलगिरी जिल्ह्यातील कुन्नूरजवळ पर्यटकांची बस दरीत कोसळून आठ जणांचा मृत्यू झाला. पोलिसांनी दिलेल्या माहितीनुसार, दोन चालकांसह 59 प्रवाशांना घेऊन जाणारी टूरिस्ट बस शनिवारी संध्याकाळी कुन्नूरहून तेनकासीला जात असताना दरीत कोसळली. पर्यटक उटी येथे पर्यटनासाठी आले होते आणि घरी परतत होते.
दरम्यान, अचानक बस दरीत कोसळली. अपघाताची बातमी समजताच स्थानिक अधिकारी आणि बचाव कर्मचारी घटनास्थळी पोहोचले. आठ प्रवाशांना रुग्णालयात मृत घोषित करण्यात आले.
दुसरीकडे, तामिळनाडूचे (Tamil Nadu) मुख्यमंत्री एमके स्टॅलिन यांनी शोक व्यक्त करत मृतांच्या कुटुंबीयांना 2 लाख रुपयांची मदत जाहीर केली आहे. मात्र, अपघाताचे नेमके कारण अद्याप समजू शकलेले नाही.
पोलिसांकडून (Police) मिळालेल्या माहितीनुसार, मृतांमध्ये चार महिला आणि एका अल्पवयीनाचा समावेश आहे. पीडित तेनकासी जिल्ह्यातील कदयम येथील रहिवासी असून ही घटना घडली तेव्हा ते घरी परतत होते. चालकाचे वाहनावरील नियंत्रण सुटल्याने बस खोल दरीत कोसळली असल्याचे सांगितले जात आहे.
स्थानिक लोक, पोलीस, अग्निशमन आणि बचाव कर्मचारी पीडितांना मदत करण्यासाठी आणि जखमींना वाचवण्यासाठी धावले. जखमींना वैद्यकीय उपचारांसाठी जवळच्या कोईम्बतूरला हालवण्यात आले आहे. मुख्यमंत्र्यांनी मृतांच्या कुटुंबीयांना 2 लाख रुपयांची मदत जाहीर केली.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.