Suvendu Adhikari Submits List Of 17 Lakh Fake Voters In West Bengal to ECI: पश्चिम बंगाल विधानसभेतील विरोधी पक्षनेते सुवेंदू अधिकारी यांनी बुधवारी राज्यातील सुमारे 17 लाख कथित बनावट मतदारांची यादी भारतीय निवडणूक आयोगाकडे (ECI) सुपुर्द केली. अधिकारी बुधवारी 'बनावट' मतदारांची यादी असलेल्या 24 बॅग घेऊन पश्चिम बंगालच्या मुख्य निवडणूक अधिकारी (सीईओ) यांच्या कार्यालयात पोहोचले. पश्चिम बंगालमध्ये भाजपने ओळखलेल्या बनावट मतदारांची नेमकी संख्या 16,91,132 असल्याचा दावा त्यांनी केला.
दरम्यान, या यादीत मृत मतदारांची तसेच इतरत्र स्थलांतरित झालेल्यांची नावे असल्याचा दावा सुवेंदू अधिकारी यांनी केला आहे. अनेक ठिकाणी यादीत नावे आल्याचीही उदाहरणे आहेत. 2019 च्या लोकसभा निवडणुकीत बनावट मतदारांची संख्या भाजप आणि तृणमूल काँग्रेसमधील फरकाइतकीच असल्याचा दावाही त्यांनी केला.
सुवेंदू अधिकारी यांनी सांगितले की, 14,267 पानांची कागदपत्रे जमा करण्याव्यतिरिक्त, आम्ही डिटेल्स पेन-ड्राइव्हमध्ये संग्रहित सॉफ्ट-कॉपी स्वरुपात निवडणूक आयोगाकडे सुपुर्द केले आहे. ECI ची टीम मार्चमध्ये पश्चिम बंगालला भेट देणार असून सर्व राजकीय पक्षांसोबत बैठका घेणार आहे. या अनियमिततेबाबत आम्ही संपूर्ण सहकार्य या टीमला करु. तथापि, तृणमूल काँग्रेस नेतृत्वाने हे आरोप पूर्णपणे खोटे असल्याचे म्हटले आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.