मेट्रो स्टेशनच्या छतावरून मुलीने मारली उडी, पोलिसांनी वाचवले प्राण

दिल्लीतील अक्षरधाम मेट्रो स्टेशनवर आज एका मुलीने स्टेशनच्या भिंतीवरून उडी मारल्याने खळबळ उडाली आहे. मात्र, सीआयएसएफ आणि पोलिस कर्मचाऱ्यांनी मिळून मुलीचे प्राण वाचवले ही दिलासादायक बाब आहे. मिळालेल्या माहितीनुसार, अक्षरधाम मेट्रो स्टेशनवर गुरुवारी सकाळी 7.28 च्या सुमारास CISF क्विक रिअॅक्शन टीमच्या जवानांना एका मुलीला मेट्रो स्टेशनच्या भिंतीवर चढून तेथून उडी मारण्याचा प्रयत्न करत असल्याचे जाणवले. हे दृष्य पाहताच पोलिसांनी तिच्याकडे धाव घेतली. आणि एका मोठ्या पडद्याच्या मदतीने तिला झेलले आणि तिचे प्राण वाचवले.

दरम्यान, ती बेशुध्द पडली, त्यामुळे तिला रूग्णालयात दाखल करण्यात आले आहे. पुढील तपास पोलिस करत आहेत. मात्र अद्याप तीने हे टोकाचे पाऊल का उचलले ते समजले नाही. मात्र मुलीच्या प्रकृतीत सुधारणा होत असल्याचे डाॅक्टरांनी सांगितले आहे. मुलगी शुद्धीवर येताच आम्हाला पुढील तपास करता येणार असल्याचे मत पोलिसांना (Police) व्यक्त केले आहे.

दरम्यान, जम्मू-काश्मीरमधील शोपियान जिल्ह्यात दहशतवादी आणि सुरक्षा दलांमध्ये झालेल्या चकमकीत दोन दहशतवादी ठार झाले आहेत. मिळालेल्या माहितीनुसार, शोपियांच्या बडगामच्या जैनपुरा भागात 2-3 दहशतवादी लपल्याची माहिती आहे. या माहितीनंतर सुरक्षा दलांनी घेराबंदी आणि शोध मोहीम सुरू केली. या कारवाईचे चकमकीत रूपांतर झाले असून हा अहवाल येईपर्यंत चकमक सुरूच असल्याचे अधिकाऱ्याने सांगितले. मात्र, आतापर्यंत येथे कोणतीही जीवितहानी झाल्याचे वृत्त नाही. आम्ही या संदर्भात अधिक माहितीची वाट पाहत आहोत.