देशभर चर्चेत असणाऱ्या हिजाब वादावर अमित शहांनी सोडलं मौन

नवी दिल्ली: देशातील हिजाबचा वादावर सध्या देशभर सुरू आहेत चर्चा सुरू आहेत. या मुद्द्यावर केंद्रीय गृहमंत्री अमित शहा यांनी अपले परखड मत मांडले आहे. या मुलाखतीत गृहमंत्र्यांनी पहिल्यांदाच हिजाब (Hijab) वादावर आपले मत मांडले असुन ते म्हणाले की, त्यांच्या दृष्टीने शाळेचा ड्रेस कोड सर्व धर्माच्या लोकांनी पाळला पाहिजे. सध्या हे प्रकरण न्यायालयात असुन, न्यायालयाने दिलेला निर्णय आपण पाळला पाहिजे असे ते म्हणाले. (Statement of Amit Shah on Hijab controversy Argument)

ते पुढे म्हणाले, "शाळेचा ड्रेस कोड हा सर्व धर्माच्या लोकांनी स्वीकारला पाहिजे. हे प्रकरण सध्या न्यायालयात आहे, न्यायालयाने दिलेला निर्णय अपल्याला मान्य करावा लागेल. शाळांमध्ये मुलांना धर्मापेक्षा वरचढ ठेवायला हवे असे माझे वैयक्तिक मत आहे. कोर्टाने निर्णय दिला की आपण सर्वांनी त्याचे पालन केले पाहिजे. यात जर षडयंत्र असेल तर विरोधकांचे मनसुबे फसणार नाहीत. त्यात बरेच लोक सक्रिय आहेत. पण त्यांचा हेतू सफल होणार नाही. न्यायालयाचा निर्णय आल्यानंतर तो सर्वांनी स्वीकारावा." असे ते म्हणाले.

मुस्लिमांना तिकीट न देणे ही भाजपची मजबुरी आहे का?

मुस्लिमांना (Muslim) तिकीट न देणे ही भाजपची (BJP) मजबुरी आहे का? या मुद्द्यावर बोलताना ते म्हणाले, "भारत सरकारचे जे नाते देशातील प्रत्येक नागरिकाशी असले पाहिजे तेच नाते भाजपचे मुस्लिमांशी आहे. पण निवडणुकीत कोणाला मतं पडतात, हेही पाहावं लागतं

हा राजकीय शिष्टाचार आहे. राज्यघटनेच्या आधारे सरकार चालते. सरकार हे देशातील जनतेने निवडले आहे. निवडणुका जिंकणेही महत्त्वाचे आहे. राज्यघटनेच्या आधारे सरकार चालते. आणि सरकार हे जनतेच्या मतांनी निवडले जाते. पण त्याच्या आधारावर जनतेत भेदभाव केला जात नाही."