नोएडा येथील गौतम बुद्ध नगर जिल्ह्यातील सेक्टर 39 पोलीस ठाण्याच्या हद्दीतील एका शाळेत एका 4 वर्षाच्या निष्पाप मुलीवर डिजिटल बलात्कार झाल्याची घटना समोर आली आहे. मुलीच्या आईच्या तक्रारीवरून पोलिसांनी गुन्हा दाखल करून तपास सुरू केला. मिळालेल्या माहितीनुसार, शाळेच्या वॉशरूममध्ये डिजिटल रेपचे प्रकरण समोर येत आहे.
(Shocking Innocent 4-year-old girl digitally raped in school)
या पिडित मुलीच्या अंगावर तीव्र खाज आल्यानंतर आईने पावडर लावताना जखम दाखवली. आईने विचारले असता, मुलीने सांगितले की, शाळेत तिच्यासोबत घाणेरडे काम केले जाते. आईच्या तक्रारीवरून पोलिसांनी पीडितेचे मेडिकल करून गुन्हा दाखल केला आहे. पोलिसांनी शाळेतील सीसीटीव्ही तपासण्यास सुरुवात केली आहे. तपास पूर्ण करून लवकरच याप्रकरणी अटक करण्यात येईल, असेही सांगण्यात आले आहे.
'डिजिटल बलात्कार' म्हणजे काय?
डिजिटल बलात्कार हा वाटतो तसा लैंगिक गुन्हा नाही. यामध्ये प्रजनन अवयवाऐवजी, कोणाच्याही संमतीशिवाय बोटांनी किंवा हाताच्या किंवा पायाच्या अंगठ्याने जबरदस्तीने प्रवेश केला गेला आहे. यामुळेच याला 'डिजिटल रेप' म्हणतात. डिसेंबर 2012 पूर्वी देशात डिजिटल बलात्कार हा छेडछाड मानला जात होता. मात्र निर्भया प्रकरणानंतर देशाच्या संसदेत बलात्काराचा नवा कायदा आणण्यात आला आणि तो लैंगिक गुन्हा मानून कलम ३७५ आणि पॉक्सो कायद्याच्या श्रेणीत ठेवण्यात आला.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
