गोवा: काल एकाच दिवसात स्पाईसजेट एअरलाइन्सच्या तीन विमानांमध्ये तांत्रिक बिघाड आढळून आला. या गोंधळानंतर विमानांचे इमर्जन्सी लँडिंग करण्यात आले. सुदैवाने या तिन्ही घटनांमध्ये प्रवाशांना कोणत्याही प्रकारचा त्रास झाला नाही.
गेल्या 18 दिवसांत स्पाइसजेटच्या विमानांमध्ये 8 तांत्रिक बिघाडांमुळे सरकारही चिंतेत पडले आहे. हे पाहता, सरकारने स्पाइसजेटच्या खराब अंतर्गत सुरक्षेतील गंभीर त्रुटी लक्षात घेऊन नोटीस बजावली आहे आणि तीन दिवसांत उत्तर देण्यास सांगितले आहे.
तीन दिवसांत उत्तर द्या
नागरी विमान वाहतूक महासंचालनालयाने (DGCA) स्पाइसजेटला नोटीस बजावली आहे की घटनांचा आढावा घेतल्यास असे दिसून येते की यातील बहुतेक घटना खराब अंतर्गत सुरक्षा निरीक्षण आणि अपुरी देखभाल यामुळे झाल्या आहेत. या घटना प्रणाली-संबंधित अपयशांची उदाहरणे आहेत आणि सुरक्षा मानकांमध्ये बिघाड झाल्यामुळे घडल्या आहेत. अशा स्थितीत तुम्हाला या खराब अंतर्गत सुरक्षेबाबत तीन दिवसांत उत्तर द्यावे लागेल. डीजीसीएच्या म्हणण्यानुसार या सर्व घटनांची गांभीर्याने चौकशी सुरू आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
