UPTET Exam
Dainik gomantak
उत्तर प्रदेशच्या मूलभूत शिक्षण विभागाने नोव्हेंबरमध्ये रद्द झालेल्या उत्तर प्रदेश शिक्षक पात्रता परीक्षेचे (UPTET) वेळापत्रक जाहीर केले आहे. आता UP TET ची नवीन तारीख 23 जानेवारी निश्चित करण्यात आली आहे. UPTET ही देशातील सर्वात मोठी शिक्षक पात्रता परीक्षा आहे आणि यावर्षी सुमारे 21 लाख विद्यार्थी दोन्ही पेपरमध्ये भाग घेतील.
यापूर्वी 28 नोव्हेंबर रोजी परीक्षेच्या दिवशीच पेपर (Exam) फुटल्यामुळे यूपीटीईटी रद्द करण्यात आली होती. उत्तर प्रदेशचे मुख्यमंत्री योगी आदित्यनाथ यांनीही या प्रकरणावर कठोर कारवाई करण्याचे आणि महिनाभरात पुन्हा एकदा परीक्षा पारदर्शक पद्धतीने घेण्याचे आदेश दिले होते. मात्र, प्रशासकीय कारणांमुळे आणि परीक्षा केंद्रे निश्चित करण्यात लागणारा वेळ यामुळे हे होण्यास एक महिन्याहून अधिक कालावधी लागला आहे.
हे वेळापत्रक आहे
जारी केलेल्या अधिकृत अधिसूचनेनुसार, UPTET 23 जानेवारी 2022 रोजी घेण्यात येईल. परीक्षा दोन शिफ्टमध्ये घेतली जाईल. पहिली शिफ्ट सकाळी 10 ते 12.30 आणि दुसरी शिफ्ट दुपारी 2.30 ते 5 या वेळेत.
25 फेब्रुवारीला निकाल जाहीर होतील
UPTET उत्तर की 27 जानेवारी 2022 रोजी उत्तर प्रदेशच्या (Uttar Pradesh) मूलभूत शिक्षण विभागाद्वारे जारी केली जाईल. या उत्तरपत्रिकेवर आक्षेप घेण्यासाठी उमेदवारांना 1 फेब्रुवारी 2022 पर्यंत वेळ देण्यात येईल. यानंतर विभाग 23 फेब्रुवारी 2022 रोजी अंतिम उत्तर की जारी करेल. या अंतिम कीच्या आधारे, 25 फेब्रुवारी 2022 रोजी निकाल जाहीर केले जातील.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
