बाबा रामदेव यांना कंपनी सुरु करण्यासाठी 40 हजार कोटींचं कर्ज, ब्रिटनमध्ये आयलँड गिफ्ट; कोण आहे हे जोडपे?

Couple gave loan to Baba Ramdev Patanjali Divya Pharmacy: योगगुरु बाबा रामदेव आणि त्यांची कंपनी पतंजली यांचे नाव आज देशभर पसरले आहे.
Ramdev Baba
Ramdev Baba Dainik Gomantak

Couple gave loan to Baba Ramdev Patanjali Divya Pharmacy: योगगुरु बाबा रामदेव आणि त्यांची कंपनी पतंजली यांचे नाव आज देशभर पसरले आहे. तथापि, या कंपनीच्या सुरुवातीस एका जोडप्याने महत्त्वपूर्ण भूमिका बजावली. सुनीता आणि सर्वन सॅम पोद्दार असे या जोडप्याचे नाव आहे. बाबा रामदेव आणि आचार्य बाळकृष्ण यांनी या जोडप्याकडून 2006 मध्ये कर्ज घेतले होते. हे जोडपे स्कॉटलंडचे आहे. या जोडप्याने लिटल कुंब्रे नावाचे आयलॅंड विकत घेतले आणि ते 2009 मध्ये रामदेव यांना भेट दिले. त्यांनी हे आयलॅंड दोन लाख पौंडांना विकत घेतले होते.

पतंजलीमध्ये 7.2 टक्के हिस्सा

एका रिपोर्टनुसार, 2011 मध्ये या जोडप्याची पतंजली कंपनीत 7.2 टक्के हिस्सेदारी होती. त्यांच्याकडे 12.46 लाख शेअर्स होते. आचार्य बाळकृष्ण यांच्यानंतर कंपनीचे 92 टक्क्यांहून अधिक शेअर्स असलेले ते दुसरे व्यक्ती होते.

Ramdev Baba
Baba Ramdev Video: मुस्लिम पुरुषांनी हिंदू महिलांचे अपहरण करून...रामदेव बाबांचे वादग्रस्त वक्तव्य, FIR दाखल

बाबा रामदेव यांनी सुनीता यांना वजन कमी करण्यात मदत केली

बाबा रामदेव यांनी सुनीता यांना योगाद्वारे वजन कमी करण्यास मदत केली, ज्यामुळे सुनीता प्रभावित झाल्या आणि त्यांनी त्यांच्या पतीला बाबा रामदेव यांना आयलॅंड भेट देण्यास मनवले. एवढेच नाही तर सुनीता ब्रिटनमधील पतंजली योगपीठ ट्रस्टच्या विश्वस्तही बनल्या.

सुनीता यांचा जन्म मुंबईत झाला

सुनीता यांचा जन्म मुंबईत झाला, परंतु त्यांचे बालपण नेपाळची राजधानी काठमांडूमध्ये गेले. सुनीता ग्लासगोमधील सर्वात श्रीमंत महिलांपैकी एक आहेत. त्या योगा इन्स्ट्रक्टर म्हणून काम करतात. ग्लासगोमध्येच त्यांनी बाबा रामदेव यांची भेट घेतली होती. सध्या, सुनीता Omminster Healthcare च्या CEO आणि संस्थापक आहेत. तर, सॅम पोद्दार यांचा जन्म बिहारमध्ये झाला होता. त्यांचे वडील ग्लासगो येथे डॉक्टर होते. सॅम वयाच्या अवघ्या 4 व्या वर्षी ग्लासगोला गेले. सॅम हे व्यवसायाने इंजिनिअर आहेत.

Ramdev Baba
Ramdev Baba in Support Of Wrestlers: रामदेवबाबा म्हणतायेत, ब्रिजभूषण यांची जागा तुरुंगातच...

सुनीता आणि सॅम यांनी रामदेव यांना मदत केली

बाबा रामदेव यांनी एकदा सांगितले होते की, 1995 मध्ये त्यांच्याकडे दिव्या फार्मसीच्या नोंदणीसाठीही पैसे नव्हते. त्यावेळी योगगुरु म्हणून त्यांची लोकप्रियता कमी होती. जेव्हा लोकप्रियता वाढली तेव्हा त्यांनी कंपनीचा विस्तार करण्याचा निर्णय घेतला, ज्यामध्ये त्यांना सुनीता आणि सॅम यांनी मदत केली.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Related Stories

No stories found.
Goa News on Dainik Gomantak
dainikgomantak.esakal.com