Rajasthan Crime: राजस्थानच्या सिरोही जिल्ह्यात एका 45 वर्षीय महिलेवर तिच्या पतीसमोर चार जणांनी सामूहिक बलात्कार केल्याचा आरोप आहे. पोलिसांनी ही माहिती दिली. चोरीच्या उद्देशाने चार जणांनी घरात घुसून महिलेवर सामूहिक बलात्कार केल्याचा आरोप आहे. पोलिसांनी तीन आरोपींना अटक केली आहे.
पोलिसांनी (Police) दिलेल्या माहितीनुसार, बुधवारी ही घटना घडली. मात्र धक्क्यामुळे हे दाम्पत्य गुरुवारी घराबाहेर पडले नाही. यानंतर त्यांनी पोलिसांकडे जाण्याचा निर्णय घेतला. शुक्रवारी त्यांनी गुन्हा दाखल करण्यासाठी स्थानिक पोलिस स्टेशन गाठले. याप्रकरणी कारवाई करत पोलिसांनी शनिवारी तीन आरोपींना अटक केली असून चौथ्या आरोपीचाही (Accused) शोध सुरु आहे.
पिंडवारा पोलिस उपअधीक्षक जेठू सिंह यांनी सांगितले की, महिलेचा पती चौकीदार म्हणून काम करतो. बुधवारी रात्री चौघांनी जबरदस्तीने त्यांच्या घरात घुसून त्यांना ओलीस ठेवले. अधिकाऱ्याच्या म्हणण्यानुसार, "तिने आपल्या पतीचे कपडे काढले आणि त्याच्या खिशातून 1,400 रुपये काढून घेतले.''
तसेच, आरोपींनी घरातील रोख रक्कम आणि इतर मौल्यवान वस्तूंबाबत विचारणा केली, परंतु दाम्पत्याकडे चांदीच्या दागिन्यांशिवाय काहीही नव्हते. यापेक्षा अधिक काही न मिळाल्याने त्यांनी महिलेवर (Woman) तिच्या पतीसमोरच बलात्कार केला.
दुसरीकडे, माहिती मिळताच पोलिसांनी कारवाई केली. त्याचबरोबर, वेगवेगळ्या पोलिस ठाण्यांतील पोलिस कर्मचारी आरोपींना ओळखण्यात आणि त्यांचा माग काढण्यात गुंतले, असे अधिकाऱ्याने सांगितले.
“आरोपींची ओळख पटली असून त्यापैकी तिघांना शनिवारी अटक करण्यात आली. आमचे पथक चौथ्या आरोपीच्या शोधात असून त्यालाही लवकरच पकडण्यात येईल,'' असेही अधिकाऱ्यांनी सांगितले.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.