Punjab: पंजाबच्या संगरुरमध्ये विषारी दारु प्यायल्याने मृत्यूचा तांडव; आतापर्यंत 21 जणांचा मृत्यू

Punjab Crime: पंजाबमधील संगरुरमध्ये विषारी दारु प्यायल्याने 21 जणांचा मृत्यू झाला आहे. तर काहींवर उपचार सुरु आहेत.
Crime News
Crime NewsDainik Gomantak

Punjab Crime: पंजाबमधील संगरुरमध्ये विषारी दारु प्यायल्याने 21 जणांचा मृत्यू झाला आहे. तर काहींवर उपचार सुरु आहेत. याप्रकरणी सध्या पोलिसांनी 6 जणांना अटक केली आहे. पोलीस या प्रकरणाचा तपास करत आहेत. मुख्यमंत्री भगवंत मान यांच्या जिल्ह्यातील ही घटना आहे. या प्रकरणात पोलिसांनी इथेनॉल आणि कच्चा मालही जप्त केला जो दारु बनवण्यासाठी वापरला जात होता. दरम्यान, या घटनेच्या संदर्भात अतिरिक्त पोलीस महासंचालक (ADGP) दर्जाच्या अधिकाऱ्याच्या नेतृत्वाखाली चार सदस्यीय विशेष तपास पथक (SIT) स्थापन करण्यात आले आहे.

आतापर्यंत 21 जणांचा मृत्यू झाला

पोलिस उपमहानिरीक्षक हरचरण सिंह भुल्लर यांनी सांगितले की, या घटनेत आतापर्यंत 21 जणांना आपला जीव गमवावा लागला आहे. याप्रकरणी आम्ही दोन जणांना अटक केली आहे. तपास सुरु असून दोषींना सोडले जाणार नाही. लोकसभा निवडणुकीपूर्वी मतदारांना आकर्षित करण्यासाठी बनावट दारुची विक्री हा एक भाग असू शकतो, असे पोलिसांनी यापूर्वी म्हटले होते. बुधवारी, कथितरित्या बनावट दारु प्यायल्याने पाच जणांचा मृत्यू झाला तर काहींना रुग्णालयात दाखल करण्यात आले.

Crime News
Punjab Crime: पंजाबमध्ये एकाच कुटुंबातील 5 जणांनी संपवले जीवन; लटकलेल्या अवस्थेत आढळले मृतदेह

रुग्ण रुग्णालयात उपचार घेत आहेत

दुसऱ्या दिवशी पटियाला येथील राजिंद्र रुग्णालयात उपचारादरम्यान आणखी तीन जणांचा मृत्यू झाला. गुरुवारी रात्री उशिरा आणखी दोघांचा मृत्यू झाला तर शुक्रवारी सकाळी चार जणांचा मृत्यू झाला. त्यामुळे या घटनेत आतापर्यंत 21 जणांना आपला जीव गमवावा लागला आहे. आतापर्यंत विषारी दारु पिऊन एकूण 40 जण वेगवेगळ्या रुग्णालयात पोहोचले आहेत. त्यापैकी 10 जणांवर पटियालाच्या राजिंद्र रुग्णालयामध्ये आणि 6 जणांवर संगरुर रुग्णालयामध्ये उपचार सुरु आहेत. त्यापैकी संगरुर सिव्हिल रुग्णालयामधील 2 तर राजिंद्र रुग्णालयामधील एक रुग्ण उपचाराअभावी रुग्णालयामधून पळून गेला आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Related Stories

No stories found.
Goa News on Dainik Gomantak
dainikgomantak.esakal.com