पंतप्रधान मोदी (Prime Minister Modi) आणि उत्तर प्रदेशचे मुख्यमंत्री योगी अदित्यनाथ (Chief Minister of Uttar Pradesh Yogi Adityanath) यांच्यावर बॉम्बने हल्ला करण्याची धमकी, 112 कंट्रोल रुमच्या सोशल मिडियावरील ट्वीटर हॅंडलवरुन देण्यात आली आहे. हा धमकीचा संदेश आल्यानंतर तात्काळ क्राईम ब्रांचकडे तपास सोपविण्यात आला आहे. दिवाळीच्या दिवशीच अशाप्रकारची धमकी आल्याने सर्वत्र भीतीचे वातावरण निर्माण झाले आहे. 112 कंट्रोल रुमच्या दीपक शर्मा (Deepak Sharma) नामक व्यक्तीच्या ट्वीटर आकाऊंटवरुन हा संदेश पाठविण्यात आला असल्याचे प्रथमदर्शनी सांगण्यात येत आहे. या संदेशामध्ये पंतप्रधान नरेंद्र मोदी आणि मुख्यमंत्री योगी आदित्यनाथ यांच्यावर बॉम्बने हल्ला करण्यात येणार असल्यासंदर्भात लिहिण्यात आले आहे. एवढचं नाही तर या ट्वीटच्या माध्यमातून इतरही काही आक्षेपार्ह शब्दांचा वापर पंतप्रधान मोदी आणि मुख्यमंत्री आदित्यनाथ यांच्याबाबतीत करण्यात आला आहे.
दरम्यान, जेसीपी क्राइमच्या नीलाब्जा चैधरी यांनी दिलेल्या माहितीनुसार, धमकीच्या ट्वीट पाठविणाऱ्या ट्वीटर हॅंडलसंदर्भात माहीती जमा करण्यात येत आहे. या प्रकरणाचा तपास तात्काळ क्राइम ब्रांचकडे सोपविण्यात आला आहे. यापूर्वी देखील पंतप्रधान मोदी आणि मुख्यमंत्री योगी आदित्यनाथ यांना अनेकवेळा धमकीचे कॉल, सोशल मिडियावरुन अनेक वेळा धमक्या आणि आक्षेपार्ह संदेशही पाठविण्यात आल आहेत.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
