IND vs ENG: 'त्याला डिवचणं आमच्या प्लानचा भाग होता...'; जो रुटसोबतच्या वादावर प्रसिद्ध कृष्णाने सोडले मौन!

Prasidh Krishna Vs Joe Root: गोलंदाज प्रसिद्ध कृष्णा (Prasidh Krishna) आणि इंग्लिश फलंदाज जो रुट (Joe Root) यांच्यात झालेली बाचाबाची चर्चेचा विषय ठरली.
Prasidh Krishna Vs Joe Root
Prasidh Krishna Vs Joe RootDainik Gomantak
Published on
Updated on

Prasidh Krishna Vs Joe Root: भारत आणि इंग्लंड यांच्यातील ओव्हल (Oval) कसोटी सामन्याच्या दुसऱ्या दिवशी भारतीय वेगवान गोलंदाज प्रसिद्ध कृष्णा (Prasidh Krishna) आणि इंग्लिश फलंदाज जो रुट (Joe Root) यांच्यात झालेली बाचाबाची चर्चेचा विषय ठरली. दुसऱ्या दिवसाचा खेळ संपल्यानंतर कृष्णाने या वादावर मौन सोडत एक मोठा खुलासा केला.

रुटसोबत काय घडले?

बीबीसी (BBC) शी बोलताना प्रसिद्ध कृष्णा म्हणाला, "रुटने असे का केले हे मला माहीत नाही. मी फक्त एवढेच म्हटले होते की, 'तू चांगल्या फॉर्ममध्ये दिसत आहेस आणि त्यानंतर हे संभाषण शिवीगाळ (Abusive language) आणि वादात बदलले." कृष्णाने कबूल केले की, जो रुटला डिवचण्याची (Sledging) योजना भारतीय संघाने आधीच आखली होती, पण अनुभवी खेळाडूकडून अशी तीव्र प्रतिक्रिया (Strong reaction) येईल अशी त्याला अपेक्षा नव्हती.

Prasidh Krishna Vs Joe Root
IND vs ENG: प्रसिद्ध कृष्णा अन् जो रुटमध्ये जोरदार बाचाबाची! मैदानावर घडला हाय व्होल्टेज ड्रामा; अंपायरला करावी लागली मध्यस्थी VIDEO

बुमराहच्या अनुपस्थितीवरही भाष्य

यावेळी कृष्णाला संघातील मुख्य गोलंदाज जसप्रीत बुमराहच्या (Jasprit Bumrah) अनुपस्थितीबद्दलही विचारण्यात आले. त्यावर तो म्हणाला, "जसप्रीत बुमराह खेळो वा न खेळो, आम्हाला आमच्या भूमिकेची (Role) जाणीव आहे. माझी निवड इथे झाली आहे, कारण मी माझे काम करु शकतो. जर मी सामना खेळू शकलो नाहीतर मला माझ्या रणनीतीवर (Strategy) काम करावे लागेल. मी इथे खेळण्यासाठी आलो आहे. माझ्यासाठी ही एक प्रक्रिया आहे, केवळ कामगिरी नाही."

Prasidh Krishna Vs Joe Root
IND vs ENG: मोहम्मद सिराजची कमाल! आंतरराष्ट्रीय क्रिकेटमध्ये ठोकलं 'द्विशतक'; अशी कामगिरी करणारा ठरला 25वा भारतीय

सामन्याची सद्यस्थिती

  • भारतीय गोलंदाजांचे वर्चस्व: सामन्याच्या दुसऱ्या दिवशी भारतीय गोलंदाजांनी उत्कृष्ट कामगिरी केली. भारताच्या 224 धावांना उत्तर देताना इंग्लंडचा संघ 247 धावांवर सर्वबाद झाला.

  • कृष्णा-सिराजचा पराक्रम: प्रसिद्ध कृष्णा आणि मोहम्मद सिराज (Mohammed Siraj) या दोघांनीही प्रत्येकी 4-4 बळी घेत इंग्लंडच्या डावाला खिंडार पाडले.

  • भारताची आघाडी: दुसऱ्या दिवसाचा खेळ संपला तेव्हा भारताने 2 बाद 75 धावा केल्या होत्या आणि एकूण 52 धावांची आघाडी घेतली होती. यशस्वी जयस्वालने (Yashasvi Jaiswal) अर्धशतक झळकावून भारताची बाजू मजबूत केली आहे.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Related Stories

No stories found.
Goa News on Dainik Gomantak
dainikgomantak.esakal.com