पंतप्रधान नरेंद्र मोदी (PM Narendra Modi) येत्या 12 जुलै रोजी बिहार आणि झारखंडला भेट देणार आहेत. यादरम्यान पंतप्रधान मोदींचे संपूर्ण लक्ष झारखंडमधील देवघरवर असणार आहे. पीएम मोदी देवघरमध्ये अनेक योजनांचे वाटप करणार आहेत तसेच तेथील रोड शोमध्येही सहभागी होणार आहेत. यासोबतच पीएम मोदी देवघरमध्ये सभेलाही उपस्थित राहणार आहेत. यानंतर पंतप्रधान मोदींचा 16 जुलैला यूपीला जाण्याचा कार्यक्रम असणार आहे. (PM Narendra Modi visit to Bihar and Jharkhand on July 12)
पंतप्रधान नरेंद्र मोदी झारखंडमधील (Jharkhand) देवघर येथे एम्स आणि विमानतळाचे उद्घाटन करतील. यासोबतच पीएम मोदी देवघरमध्ये रोड शो करतील. यासोबतच पीएम मोदी यादरम्यान एका मोठ्या रॅलीमध्ये सहभागी होणार असून जनतेला संबोधित करणार आहेत. पीएम मोदी बाबा वैद्यनाथ धामलाही भेट देतील आणि बाबा भोलेनाथचे दर्शन घेणार आहेत.
12 जुलै रोजी पंतप्रधान मोदींचा बिहारमध्ये कार्यक्रम आहे. पंतप्रधान मोदी थेट देवघरहून पाटण्याला जाणार आहेत, जिथे ते बिहार विधानसभेच्या शताब्दी सोहळ्याच्या समारोप समारंभाला उपस्थित राहतील.
त्याचवेळी, 16 जुलै रोजी पीएम मोदी उत्तर प्रदेशच्या दौऱ्यावर जातील. यापूर्वी पीएम नरेंद्र मोदींचा 12 जुलैलाच यूपीला जाण्याचा कार्यक्रम होता. पीएम मोदी जालौनमध्ये बुंदेलखंड एक्स्प्रेस वेचे उद्घाटन करतील. 296 किमी लांबीचा बुंदेलखंड एक्सप्रेसवे उत्तर प्रदेशातील चित्रकूट आणि इटावा जिल्ह्यांना जोडला जाणार आहे. पाच द्रुतगती मार्ग असलेले उत्तर प्रदेश हे देशातील पहिले राज्य असणार आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
