Prime Minister Narendra Modi: गेल्या दोन दिवसांत पंतप्रधान नरेंद्र मोदी यांच्या घरात दोन मोठ्या घटना घडल्या आहेत. प्रथम, त्यांचे बंधू प्रल्हाद मोदी कर्नाटकातील म्हैसूर येथे एका रस्ते अपघाताचा बळी ठरले. त्याचवेळी बुधवारी त्यांची आई हीराबेन यांची प्रकृती अचानक बिघडली. त्यांना अहमदाबाद येथील यूएन मेहता रुग्णालयात दाखल करण्यात आले.
कर्नाटकातील (Karnataka) म्हैसूरमध्ये मंगळवारी प्रल्हाद मोदींचा अपघात झाला. त्यांच्यासोबत मुलगा आणि सूनही होती. तिघेही गंभीर जखमी झाले. तथापि, रुग्णालयाने जारी केलेल्या ताज्या माहितीनुसार, सर्व लोक धोक्याबाहेर असून त्यांची प्रकृती उत्तम आहे. तिघांवरही उपचार सुरु असून त्यांना आज सायंकाळ किंवा गुरुवारी सकाळी डिस्चार्ज मिळू शकेल, असे डॉक्टरांचे म्हणणे आहे. मात्र, आधी डॉक्टरांचे पथक त्यांच्या प्रकृतीची तपासणी करणार आहे.
दुसरीकडे, पंतप्रधान नरेंद्र मोदी (Prime Minister Narendra Modi) यांच्या आई हीराबेन यांची प्रकृती बुधवारी खालावली, त्यानंतर त्यांना अहमदाबादमधील यूएन मेहता रुग्णालयात दाखल करण्यात आले आहे. हिराबेन यांचे वय 100 वर्षांहून अधिक आहे. विशेष म्हणजे, त्या अजूनही खूप सक्रिय आहेत. या वर्षी जून महिन्यात त्यांनी 100 वा वाढदिवस साजरा केला. यावेळी पंतप्रधान मोदींनी त्यांचे पाय धुवून आशीर्वाद घेतले होते.
दुसरीकडे, यूएन मेहता रुग्णालय व्यवस्थापनाने म्हटले आहे की, पंतप्रधान नरेंद्र मोदी यांच्या आई हीराबेन मोदी यांना अहमदाबादमधील यूएन मेहता इन्स्टिट्यूट ऑफ कार्डिओलॉजी अँड रिसर्च सेंटरमध्ये दाखल करण्यात आले असून त्यांची प्रकृती सध्या स्थिर आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
