Patna Railway Station Video: बिहारची राजधानी पाटणा येथील रेल्वे स्थानकाच्या टेलिव्हिजन स्क्रीनवर अश्लील व्हिडीओ दाखवल्यानंतर आता महिनाभरानंतर भागलपूरमधून असेच एक प्रकरण समोर आले आहे.
भागलपूर रेल्वे स्थानकावर लावलेल्या एलईडी स्क्रीनवर अश्लील व्हिडिओ दाखवण्यात आला. सूत्रांनी दिलेल्या माहितीनुसार, भागलपूर रेल्वे स्थानकाजवळील आंबेडकर चौकात एलईडी डिस्प्ले स्क्रीन असून, त्यावर सोमवारी अश्लील साहित्य दिसले.
भागलपूर रेल्वे स्थानकाजवळील एलईडी डिस्प्ले स्क्रीनवर अश्लील साहित्य दिसू लागताच मोठ्या संख्येने लोक तिथे जमा झाले. इतकंच नाही तर काही लोकांनी हा मेसेज आपल्या मोबाईलमध्ये कॅमेऱ्यात कैद करुन सोशल मीडियावर (Social Media) टाकला.
मात्र, या प्रकरणाची माहिती मिळताच भागलपूर जिल्हा प्रशासनाने तात्काळ कारवाई करत डिस्प्ले बोर्ड आणि मेसेज हटवला.
भागलपूर नगर निगमने शहराच्या सुशोभिकरणाचे कंत्राट जीवन जागृती सोसायटीला दिल्याचे तपासात उघड झाले आहे.
शहरात काही ठिकाणी एलईडी डिस्प्ले बोर्ड लावले आहेत, जेणेकरुन लोकांना वाहतूक नियमांची जाणीव होईल. एलईडी डिस्प्ले बोर्ड कंट्रोल रुममधून चालवला जातो.
जीवन जागृती सोसायटीचे अध्यक्ष अजय कुमार यांनी दावा केला की, ते काही लोकांनी हॅक केले आहे. त्यामुळे स्क्रीनवर अश्लील मेसेज दिसत होते.
कोतवाली पोलिस स्टेशनचे एसएचओ जवाहर प्रसाद यादव यांनी सांगितले की, जीवन जागृती सोसायटीचे अध्यक्ष डॉ. अजय कुमार यांच्या अर्जावरुन आम्ही अज्ञात लोकांविरुद्ध एफआयआर (FIR) नोंदवला आहे. तो हॅक करण्यात आला आहे. आम्ही प्रकरणाचा तपास करत आहोत. अद्याप कोणालाही अटक करण्यात आलेली नाही.
याआधी, 20 मार्च रोजी पाटणा रेल्वे स्थानकावर लावलेल्या एलईडी स्क्रीनवर अश्लील व्हिडिओ चालवण्यात आला होता, त्यानंतर बराच गदारोळ झाला. लोकांनी पाटणा रेल्वे स्थानकावर चाललेला व्हिडिओ आपल्या मोबाईलमध्ये रेकॉर्ड करुन तो सोशल मीडियावर शेअर केला होता.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.