Uttar Pradesh: एका महिला अधिकाऱ्याचा ग्रामस्थांना धमकावल्याचा व्हिडिओ सोशल मीडियावर व्हायरल होत आहे. हा व्हिडिओ पश्चिम उत्तर प्रदेशातील सहारनपूर जिल्ह्यातील आहे. ही महिला अधिकारी गावकऱ्यांना धमकावताना दिसत आहे. हे व्हिडिओमध्ये स्पष्टपणे दिसत आहे. ही महिला अधिकारी दुसरी कोणी नसून बीडीओ आहे. गावकऱ्यांशी झालेल्या संवादादरम्यान ती इतकी संतप्त झाली की, मी पाकिस्तानातून आलेली नाही, असेही तिने म्हटले.
दरम्यान, हे प्रकरण सहारनपूर जिल्ह्यातील एका गावातील आहे. गावात टीएचआर प्लांट उभारला जात आहे. याला ग्रामस्थ विरोध करत आहेत. मंगळवारी ग्रामस्थांनी पंचायत सचिव आणि मजुरांना काम करण्यापासून रोखले. त्यांनाही घेराव घालण्यात आला. यानंतर सचिवांनी बीडीओला बोलावले, त्यानंतर बीडीओही घटनास्थळी पोहोचल्या. ग्रामस्थांचा विरोध पाहून बीडीओ नीरु मलिक (BDO Neeru Malik) या चांगल्याच संतापल्या. दरम्यान, ग्रामस्थ आणि बीडीओ यांच्यात जोरदार वादावादी झाली.
दुसरीकडे, बीडीओ गावकऱ्यांवर भडकून म्हणाल्या, 'मी पाकिस्तानातून (Pakistan) आले नाही, मी जवळच्या शामली जिल्ह्यातील आहे. मी पक्की जाटनी आहे.' बीडीओचा हा सूर ऐकून तेथे उपस्थित ग्रामस्थही संतापले. बीडीओंच्या या टोनवरही ग्रामस्थांनी आक्षेप घेतला आहे. बीडीओंचे म्हणणे आहे की, 'मी कोणालाही धमकी दिली नाही. मी शामली येथील रहिवासी आहे. हे सामान्य भाषेत सांगितले जाते.'
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
