Pakistan: पाकिस्तानची आर्थिक परिस्थिती डबघाईला आली आहे. महागाईने पाकिस्तानच्या नागरिकांचे अतोनात हाल होत आहेत. पाकिस्तानची परिस्थिती इतकी वाईट झाली आहे की पाकिस्तान काही दिवसात डिफॉल्टर बनेल असा अंदाज व्यक्त केला जात आहे.
मागच्या आठ वर्षात परकीय चलन सगळ्यात कमी झाले आहे. एका रिपोर्ट नुसार, पाकिस्तानचे परकीय चलन 5 अरब डॉलर इतके झाले आहे जे पाठीमागच्या आठ वर्षात सगळ्यात कमी आहे. मिळालेल्या माहीतीनुसार, पाकिस्तानवर मोठ्या प्रमाणात परकीय कर्ज आहे. या आठवड्यात स्टेट बॅंक ऑफ पाकिस्तानने 245 अरब डॉलरचे आपले परकीय कर्ज फेडले त्यामुळे फॉरेक्स रिझर्वमध्ये मोठ्या प्रमाणात घट दिसून आली आहे.
आयएमएफ( IMF)कडून कर्ज मिळावे यासाठी पाकिस्तान सातत्याने प्रयत्न करत आहे. मात्र आयएमएफकडून कर्ज मिळवण्याचे पाकिस्तानचे प्रयत्न विफल झाल्याचे दिसून येत आहे.या सर्व घडामोडींमुळे पाकिस्तान( Pakistan)च्या रुपयाचे अवमूल्यन झाले आहे. पाकिस्तान डिफॉल्टर होण्याच्या मार्गावर आहे.सरकार नागरिकांना परिस्थिती सुधारेल अशी आशा दाखवत आहे.
दरम्यान, पाकिस्तानमध्ये महागाई वाढली आहे. वस्तूंच्या किमती मोठ्या प्रमाणात वाढल्या आहेत. एक सिलेंडर 10000 रुपए किमतीला मिळत आहे. काही दिवसांपूर्वी एलपीजी( LPG) प्लास्टिकच्या पिशवीतून मिळत असल्याची माहीती समोर आली होती.
ही परिस्थिती सुधारली नाही तर पाकिस्तानच्या नागरिकांना मोठ्या प्रमाणाच झळ सोसावी लागेल. काही तज्ञांच्या माहीतीनुसार, सध्या पाकिस्तानजवळ पुढच्या तीन दिवसांचा खर्च उरला आहे. आता पाकिस्तानचे सरकार या आर्थिक संकटावर कशी मात करणार हे पाहणे महत्वाचे ठरणार आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
