पाकिस्तान क्रिकेट पुन्हा एकदा वादाच्या भोवऱ्यात सापडले आहे. यावेळी कारण ठरले आहे तरुण क्रिकेटपटू हैदर अलीचा लज्जास्पद प्रकार. इंग्लंड दौर्‍यावर असलेल्या पाकिस्तानच्या ‘ए’ टीम पाकिस्तान शाहीनचा सदस्य असलेल्या हैदर अलीला ग्रेटर मँचेस्टर पोलिसांनी अटक केली आहे. एका मुलीने त्याच्यावर अत्याचाराचा गुन्हा दाखल केला आहे.
मिळालेल्या माहितीनुसार, पाकिस्तान शाहीन संघ ३ ऑगस्ट रोजी MCSAC विरुद्ध बेकेनहॅम ग्राउंडवर सामना खेळत असताना हैदर अलीला थेट मैदानावरून पोलिसांनी ताब्यात घेतले. हा प्रकार समोर आल्यानंतर पाकिस्तान क्रिकेट बोर्डाने (पीसीबी) हैदर अलीला तत्काळ निलंबित केले आहे. टेलिकॉम एशिया स्पोर्ट्सच्या वृत्तानुसार, हा प्रकरण एका पाकिस्तानी वंशाच्या मुलीविरुद्धच्या लैंगिक अत्याचाराशी संबंधित आहे.
हैदर अलीचा आंतरराष्ट्रीय कारकिर्दीवर एक नजर टाकली तर, त्याने पाकिस्तानसाठी ३५ टी-२० आंतरराष्ट्रीय सामने खेळले असून १७.४१ च्या सरासरीने ५०५ धावा केल्या आहेत, त्यात तीन अर्धशतकांचा समावेश आहे. एकदिवसीय स्वरूपात त्याची कामगिरी निराशाजनक राहिली असून फक्त २ सामन्यांत त्याने ४२ धावा जमवल्या आहेत.
सध्या सुरू असलेल्या इंग्लंड दौऱ्यातही हैदर अलीने सर्व ५ सामने खेळले. त्यात तीन एकदिवसीय सामन्यांत त्याने १४१ धावा केल्या, तर २ तीन दिवसीय सामन्यांत फक्त १८ धावा करण्यापुरतेच तो मर्यादित राहिला.
या घटनेनंतर पाकिस्तान क्रिकेट विश्वात खळबळ उडाली असून, पीसीबीकडून अधिकृत चौकशी सुरू झाली आहे. प्रकरण न्यायालयीन प्रक्रियेत गेल्यानंतरच हैदर अलीच्या क्रिकेट कारकिर्दीचे पुढील भवितव्य ठरेल.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.