भारतात ओमिक्रॉन बाधितांची संख्या 33, महाराष्ट्रात 17 रुग्ण

ओमिक्रॉनच्या वाढत्या प्रकरणांमुळे आरोग्य अधिकारी, डॉक्टरांची चिंता वाढली आहे
Omicron
Omicron Dainik Gomantak
Published on
Updated on

दक्षिण आफ्रिकेत प्रथम सापडलेल्या कोरोना विषाणूचे नवीन रुग्ण भारतातही आढळून येत आहेत. ओमिक्रॉन व्हेरिएंटचा (Omicron variant) धोका संपूर्ण जगासह भारतात वाढत आहे. गेल्या अनेक दिवसांपासून भारतातही रुग्ण सातत्याने वाढत आहेत. आरोग्य विभागाच्या (Health Department) आकडेवारीनुसार, देशात आतापर्यंत ओमिक्रॉनची 33 रुग्ण आढळून आले आहेत. ओमिक्रॉनचा दुसरा रुग्ण दिल्लीत आढळून आला आहे. झिम्बाब्वेहून दिल्लीत आलेल्या एका व्यक्तीला संसर्ग झाला होता. बाधित रुग्णाला एलएनजेपी रुग्णालयात दाखल करण्यात आले आहे. दिल्लीत ओमिक्रॉनचा दुसरा रुग्ण आढळल्याने भारतात हा आकडा 33 वर पोहोचला आहे.

Omicron
कोरोनावर मात करण्यासाठी नवी 'संजीवनी'! 'अ‍ॅस्ट्राझेनेका' ला अमेरिकेने दिली मान्यता

शुक्रवारी महाराष्ट्रात ओमिक्रॉनचे 7 नवीन रुग्ण आढळले. यामध्ये सर्वात आश्चर्याची बाब म्हणजे ओमिक्रॉनच्या बाधितांमध्ये एका साडेतीन वर्षांच्या मुलीचाही समावेश आहे. म्हणजेच, ओमिक्रॉन मुलांवर देखील वाढत्या प्रमाणात शिकार करत आहे. ओमिक्रॉनच्या वाढत्या प्रकरणांमुळे आरोग्य अधिकारी, डॉक्टरांची चिंता वाढली आहे. त्यांना भीती आहे की ओमिक्रॉन प्रकार डेल्टा पेक्षा अधिक धोकादायक असल्याचे सिद्ध होऊ शकते आणि साथीच्या रोगाची तिसरी लाट येऊ शकते.

कोणत्या राज्यात ओमिक्रॉनची किती रुग्णसंख्या

दिल्ली : राष्ट्रीय राजधानीत आतापर्यंत ओमिक्रॉनचे 2 रुग्ण समोर आले आहेत. टांझानियामधील 37 वर्षीय पूर्ण लसीकरण झालेल्या पुरुषामध्ये गेल्या रविवारी पहिली केस आढळली. हा रुग्ण रांचीचा रहिवासी असून त्याने टांझानिया ते दोहा असा प्रवास केला आणि तेथून तो 2 डिसेंबर रोजी कतार एअरवेजच्या विमानाने दिल्लीला आला. दुसरे प्रकरण शनिवारी उघडकीस आले. झिम्बाब्वेहून दिल्लीत आलेल्या एका व्यक्तीला संसर्ग झाला होता. बाधित रुग्णाला एलएनजेपी रुग्णालयात दाखल करण्यात आले आहे.

महाराष्ट्र : राज्याच्या आरोग्य विभागाच्या बुलेटिननुसार, राज्यात ओमिक्रॉनची लागण झालेल्या रुग्णांची संख्या 17 आहे. शुक्रवारी महाराष्ट्रात ओमिक्रॉनचे सात नवीन रुग्ण आढळून आले, त्यात एका साडेतीन वर्षांच्या मुलीचा समावेश आहे. सात प्रकरणांपैकी तीन मुंबईत, चार पिंपरी चिंचवड महापालिकेत नोंदवले गेले. मुंबईतील तीन नवीन रुग्ण अनुक्रमे टांझानिया, यूके आणि दक्षिण आफ्रिकेला गेले होते.

Omicron
आंतरराष्ट्रीय प्रवाशांसाठीचे निर्बंध कडक

गुजरात : राज्यात आतापर्यंत याची लागण झालेल्या रुग्णांची संख्या 3 आहे. गेल्या आठवड्यात जामनगरला भेट दिलेल्या 72 वर्षीय झिम्बाब्वेच्या अनिवासी भारतीयामध्ये ओमिक्रॉनचा गुजरातमधील पहिला रुग्ण आढळून आला होता. नंतर त्या व्यक्तीच्या संपर्कात आलेल्या दोघांचे अहवालही पॉझिटिव्ह आले.

कर्नाटक : कर्नाटकचे आरोग्य मंत्री के सुधाकर यांनी सोमवारी सांगितले की राज्यात ओमिक्रॉनची फक्त दोन प्रकरणे आढळली आहेत.

दैनिक गोमंतकचे सदस्य व्हा

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Related Stories

No stories found.
var bottom_sticky_ad = googletag .sizeMapping() .addSize([1000, 0], [[728, 90]]) .addSize( [0, 0], [ [320, 50], [300, 50], [320, 100] ] )         .build()
Goa News on Dainik Gomantak
dainikgomantak.esakal.com