उदयपूर हत्याकांडातील दोषींना फाशी द्या, मुस्लिम राष्ट्रीय मंचाने केली मागणी

Udaipur Murder Case: राष्ट्रीय स्वयंसेवक संघाशी संलग्न असलेल्या मुस्लिम राष्ट्रीय मंचानेही उदयपूरमधील टेलरच्या निर्घृण हत्येवर नाराजी व्यक्त केली आहे. या टेलरची हत्या करणाऱ्या आरोपींना फाशीची शिक्षा द्यावी, अशी मागणी मुस्लिम राष्ट्रीय मंचाने केली आहे. कारण हे आरोपी 'दहशतवादी आणि सैताना' पेक्षा कमी नाहीत. सरकारने या प्रकरणी फास्ट ट्रॅक कोर्ट स्थापन करुन या आरोपींना फाशी द्यावी, असेही मंचाने म्हटले आहे. (Muslim Rashtriya Manch Of RSS Demanded Death Penalty For Udaipur Killers)

किंबहुना, मुस्लिम राष्ट्रीय मंचच्या सर्व पदाधिकारी, राष्ट्रीय संयोजक, सहसंयोजक, पदाधिकारी आणि सर्व सेलचे प्रभारी यांच्या ऑनलाईन बैठकीत या सर्वांनी या हत्येचा निषेध केला. शासनाकडे कठोरात कठोर शिक्षा देण्याची मागणी करण्यात आली आहे. मंचाचे राष्ट्रीय निमंत्रक मुहम्मद अफजल आणि शाहिद अख्तर यांनी सर्वांना शांतता राखण्याचे आवाहन केले. देशातील सर्व जनतेला धर्म, जात, समुदाय याच्या वरती उठून द्वेषाला पराभूत करण्यासाठी काम करावे लागेल, असेही त्यांनी सांगितले.

दुसरीकडे, टेलर कन्हैयालालच्या निर्घृण हत्येनंतर चौफेर टीका होत आहे. हत्येच्या तपासात आतापर्यंत झालेल्या खुलाशांमध्ये पाकिस्तानचा (Pakistan) हात असल्याचे समोर आले आहे. ही घटना घडवणाऱ्या दोन आरोपींचे कराचीस्थित सुन्नी इस्लामिक संघटना दावत-ए-इस्लामीशी संबंध आहेत. मात्र, या प्रकरणी पाकिस्तानकडूनही एक वक्तव्य समोर आले असून, हे आरोप निराधार असल्याचे म्हटले आहे.

शिवाय, दोन्ही आरोपींविरुद्ध UAPA अंतर्गत गुन्हा दाखल करण्यात आला असून प्रकरण NIA कडे सोपवण्यात आले आहे. या घटनेनंतर उदयपूर येथून पळून गेलेल्या आरोपींना राजस्थान (Rajasthan) पोलिसांनी (Police) राजसमंद जिल्ह्यात पकडले. दोन्ही आरोपी अजमेर शरीफ दर्ग्याच्या दिशेने जात होते आणि तिथे आणखी एक व्हिडिओ शूट करणार होते. कन्हैयाच्या हत्येनंतर लगेचच त्यांवनी हल्ल्याचा व्हिडिओ व्हायरल करुन त्याची जबाबदारी स्वीकारली.