हिंदू आणि मुस्लिमांचे पूर्वज एकच: मोहन भागवत

राष्ट्रीय स्वयंसेवक संघ (RSS) सर संघचालक मोहन भागवत (Mohan Bhagwat) यांनी भारतातील मुस्लिमांनी (Indian Muslims) घाबरण्याची गरज नाही. जे समंजस मुस्लिम आहेत, त्यांनी मूलतत्त्ववाद्यांना विरोध केला पाहिजे. भारतात राहणारे हिंदू (Hindu) आणि मुस्लिमांचे पूर्वज (Ancestor) समान आहेत. देशाला पुढे नेण्यासाठी सर्वांनी एकत्र चालणे आवश्यक आहे.असे विधान केले आहे. (Mohan Bhagwat: Hindus and Muslims have the same ancestor)

ग्लोबल स्ट्रॅटेजिक पॉलिसी फाउंडेशन या पुणेस्थित सामाजिक संस्थेने मुंबईत आयोजित केलेल्या कार्यक्रमात 'राष्ट्र प्रथम - राष्ट्र सर्वोपरि' (Nation First - Nation Above) या विषयावर मोहन भागवत यांनी आपले विचार स्पष्ट करताना हे मत मांडले आहे.त्याचबरोबर ब्रिटिशांनी (British) मुस्लिमांना वेगळ्या मार्गावर जाण्यास सांगितले होते. त्यांनीच ही भीती निर्माण केली की तुम्ही भारतात कधीही राहू शकणार नाही कारण भारतात हिंदू बहुसंख्य आहेत.मूलतः असे काहीच नाही. त्याचबरोबर ब्रिटिशांनी हिंदूंना हेही सांगितले की मुस्लिम हे अतिरेकी आहेत." ब्रिटिशांनी दोन्ही समाजात तिढा निर्माण केला. त्या लढाई आणि विश्वासाची कमतरता यामुळे, दोघेही एकमेकांपासून दूर गेले आहेत. आपल्याला आपली दृष्टी बदलण्याची गरज आहे, "असे देखील त्यांनी नमूद केले आहे.

ते म्हणाले, इस्लाम भारतात आल्यापासून ते इथे आहे. स्वातंत्र्यानंतरही इथे आहे. भारतात मुस्लिमांना घाबरण्याची गरज नाही, पण आपल्याला भारताच्या वर्चस्वाचा विचार करावा लागेल, मुस्लिम वर्चस्वाचा नाही. आपली प्रिय मातृभूमी आणि समृद्ध वारसा या देशात एकतेचा आधार आहे.

भागवत पुढे म्हणाले की, हिंदू हा शब्द मातृभूमी, आपले पूर्वज आणि भारतीय संस्कृतीचा वारसा दर्शवतो. हिंदूंनी नेहमीच सर्वांच्या कल्याणावर भर दिला आहे, त्यामुळे इतरांच्या मताचा अनादर होणार नाही. या कार्यक्रमाला केरळचे राज्यपाल आरिफ मोहम्मद खान आणि काश्मीर सेंट्रल युनिव्हर्सिटीचे कुलगुरू लेफ्टनंट जनरल (निवृत्त) सय्यद अता हुसेन आणि इतर प्रमुख वक्ते उपस्थित होते.

" हिंदू " या शब्दाची व्याख्या करताना भागवत म्हणाले, "माझ्या दृष्टिकोनातून हिंदू हा शब्द मातृभूमी, पूर्वज आणि भारतीय संस्कृतीचा वारसा यांचे प्रतीक आहे. ' हिंदू ' हे जात किंवा भाषिक संज्ञा नाही, तर हे निसर्गाच्या प्रत्येक व्यक्तीच्या विकास, उन्नतीला मार्गदर्शन करणाऱ्या परंपरेचे नाव आहे. जे काही घडले ते विश्वास, त्याच्या भाषा, पंथ, धर्म याचा विचार न करता, तो आहे हिंदू आणि या संदर्भात आहे."