MCD Election Result: आम आदमी पक्षाने (AAP) दिल्ली महानगरपालिका (MCD) निवडणुकीत भाजप नेते आणि गायक मनोज तिवारी यांच्या गाण्याने विजय साजरा केला. मनोज तिवारी यांच्या 'ही ही हंस दिहली रिंकिया के पापा' या प्रसिद्ध भोजपुरी गाण्यावर आप कार्यकर्त्यांनी जल्लोष साजरा केला. AAP उत्तर प्रदेशच्या ट्विटर हँडलवरुन कार्यकर्त्यांचा जल्लोष साजरा करतानाचा व्हिडिओ शेअर करण्यात आला आहे.
दरम्यान, एमसीडी निवडणुकीत चमकदार कामगिरी करुन आप ने 134 जागा जिंकल्या आहेत. आप ने या प्रतिष्ठित नागरी संस्थेवरील भाजपची 15 वर्षांची सत्ता संपुष्टात आणली. एमसीडीच्या 250 प्रभागांमध्ये झालेल्या निवडणुकीत भाजपला 104 तर काँग्रेसला केवळ नऊ जागा मिळाल्या. दुसरीकडे, दिल्लीचे मुख्यमंत्री अरविंद केजरीवाल यांनी नागरी सुविधा सुधारण्याचे वचन दिले आहे. विशेष म्हणजे, यासाठी त्यांनी केंद्र आणि पंतप्रधान नरेंद्र मोदी यांचे "आशीर्वाद" मागितले आहेत.
तसेच, आप कार्यालयात पक्ष कार्यकर्त्यांना संबोधित करताना मुख्यमंत्री अरविंद केजरीवाल म्हणाले की, 'नागरी संस्था "भ्रष्टाचार आणि लाचखोरी"पासून मुक्त होईल. कडेकोट बंदोबस्तात राजधानीतील 42 मतमोजणी केंद्रांवर सकाळी 8 वाजता मतमोजणीला सुरुवात झाली आणि सुरुवातीचा कल भाजपच्या बाजूने दिसत होता. एकवेळ अशी होती की, भाजप 107 जागांवर तर आप 95 जागांवर आघाडीवर होते.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
