सोशल मीडिया आता एक प्लॅटफॉर्म आहे जिथे दररोज काहीतरी व्हायरल होते. व्हिडीओ व्हायरल झाल्यामुळे अनेक वेळा सामान्य माणूसही रातोरात संपूर्ण देशात आणि जगभरात चर्चेत येतो. लोकांच्या नजरेसमोर यावे म्हणून अनेकवेळा लोक धोकादायक स्टंट करतात ज्यामुळे जीव धोक्यात येतो. सध्या असाच एक व्हिडिओ व्हायरल होत आहे ज्यामध्ये एक व्यक्ती तीन धोकादायक कोब्रा सापांशी खेळताना दिसत आहे. या व्हायरल व्हिडीओने सर्वांनाच आश्चर्याचा धक्का दिला आहे.
मिळालेल्या माहितीनुसार, व्हायरल झालेला व्हिडिओ कर्नाटकचा (Karnataka) आहे. यामध्ये एक तरुण एक-दोन नव्हे तर तीन किंग कोब्रांसोबत स्टंट करताना दिसत आहे. व्हिडिओचा शेवट खूपच आश्चर्यकारक आहे. स्टंट करणाऱ्या तरुणाचे नाव मेजर सय्यद असल्याचे सांगितले जात आहे. यामध्ये सय्यद तीन किंग कोब्रासोबत व्हिडिओ शूट करताना दिसत आहे.
हा तरुण तीन कोब्रा सापांना एका रेषेवर बसवतोय असे व्हिडिओमध्ये (video) दिसत आहे. यानंतर तो सर्वात लहान नागाची शेपटी पकडतो आणि त्याला त्याच्याकडे खेचतो. त्यानंतर तो आपले हात आणि पाय हलवतो. जणू तो सापांना स्वतःचे अनुकरण करण्यास सांगत आहे.
तरुण दुसऱ्या कोब्राला पकडण्याचा प्रयत्न करताच सर्वात मोठा कोब्रा त्याच्या पायावर हल्ला करतो. काही वेळातच सय्यद नागाला हाताने पकडतो आणि कोब्राला सोडवण्याचा प्रयत्न करतो.
हा व्हिडिओ IFS अधिकारी सुशांत नंदा यांनी त्यांच्या सोशल मीडिया (Social-media) अकाउंट ट्विटरवरून शेअर केला आहे. आपल्या पोस्टमध्ये लिहिले की, कोब्राला सामोरे जाण्याचा हा सर्वात वाईट आणि धोकादायक मार्ग आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
