Delhi Deputy Chief Minister Manish Sisodia: दिल्लीतील प्रसिद्ध अबकारी घोटाळ्याप्रकरणी उपमुख्यमंत्री मनीष सिसोदिया यांची चौकशी संपली आहे. मनीष सिसोदिया यांची सीबीआयच्या पथकाने तब्बल 9 तास चौकशी केली. सिसोदिया सीबीआय कार्यालयातून नुकतेच बाहेर पडले आहेत. तपास पथकाने या घोटाळ्याशी संबंधित अनेक महत्त्वाचे प्रश्न सिसोदिया यांना विचारले.
याआधी, सोमवारी मनीष सिसोदिया (Manish Sisodia) यांच्या या चौकशीला आम आदमी पार्टीच्या अनेक नेत्यांनी विरोध केला होता. मनीष सिसोदिया सकाळी 11.15 वाजता दिल्लीतील (Delhi) सीबीआय मुख्यालयात पोहोचले होते. इथे सीबीआयची (CBI) टीम आपल्या प्रश्नांसह त्यांची वाट पाहत होती. सुमारे 9 तासांच्या चौकशीनंतर मनीष सिसोदिया काही वेळापूर्वी सीबीआय कार्यालयातून बाहेर आले.
दरम्यान, या प्रकरणी सीबीआय आता मनीष सिसोदिया यांच्या जबाबांचे विश्लेषण करणार असल्याचे काही मीडिया रिपोर्ट्समध्ये म्हटले जात आहे. त्यांच्या उत्तरावर सीबीआयचे समाधान झाले नाही, तर त्यांना पुन्हा चौकशीसाठी बोलावले जाऊ शकते, असे बोलले जात आहे.
तत्पूर्वी, सीबीआयने रविवारी मनीष सिसोदिया यांना समन्स बजावून त्यांना सोमवारी चौकशीसाठी हजर राहण्यास सांगितले होते. सिसोदिया यांच्या चौकशीचा निषेध करत आम आदमी पक्षाचे खासदार संजय सिंह आणि कार्यकर्त्यांनी दिल्लीतील सीबीआय मुख्यालयाबाहेर निदर्शने केली. मात्र, तिथे उपस्थित सुरक्षा कर्मचाऱ्यांनी संजय सिंह आणि अन्य काही कार्यकर्त्यांना ताब्यात घेतले. सुरक्षा अधिकाऱ्यांनी यावेळी सांगितले की, त्यांनी कलम 144 चे उल्लंघन केले आहे.
सीबीआय चौकशीत सहभागी होण्यापूर्वी सकाळी सिसोदिया म्हणाले होते की, 'मला अटक झाली तर पश्चात्ताप करु नका. देशासाठी बलिदान देण्याची संधी मिळाली ही माझ्यासाठी अभिमानाची बाब आहे.'
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
