Manish Sisodia
Manish SisodiaDainik Gomantak

Manish Sisodia: दिलासा नाहीच, मनीष सिसोदियांच्या न्यायालयीन कोठडीत 14 दिवसांची वाढ

सीबीआय प्रकरणात न्यायालयाने मनीष सिसोदिया यांच्या न्यायालयीन कोठडीत 3 एप्रिलपर्यंत वाढ केली आहे.

Manish Sisodia: दिल्लीतील कथित दारू घोटाळा प्रकरणात अटक झाल्यानंतर मनीष सिसोदिया यांच्या न्यायालयीन कोठडीत पुन्हा एकदा वाढ करण्यात आली आहे. सीबीआय प्रकरणात सिसोदिया यांच्या न्यायालयीन कोठडीत 3 एप्रिलपर्यंत वाढ करण्यात आली आहे. 

याबाबत अधिक माहिती अशी की, दिल्लीचे माजी उपमुख्यमंत्री आणि मुख्यमंत्री अरविंद केजरीवाल यांचे निकटवर्तीय समजले जाणारे मनीष सिसोदिया यांना मद्य घोटाळ्याप्रकरणात 26 फेब्रूवारीला अटक करण्यात आली होती. या अटकेनंतर दिल्लीतील राजकीय वर्तुळात खळबळ उडाली आहे. सीबीआयने 8 तासांच्या चौकशीनंतर सिसोदियांना ताब्यात घेतले होते.

27 फेब्रुवारी रोजी राऊस अव्हेन्यू कोर्टाने सिसोदिया यांना 4 मार्चपर्यंत सीबीआय कोठडीत पाठवले होते, जेणेकरुन त्यांची सविस्तर चौकशी करता येईल. सिसोदिया यांनी सर्वोच्च न्यायालयातही जामीन अर्ज दाखल केला होता. मात्र, सर्वोच्च न्यायालयाने या याचिकेवर सुनावणी घेण्यास नकार दिला.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Goa News on Dainik Gomantak
dainikgomantak.esakal.com