देशात दिवाळीची धूम सुरू आहे. त्यातच लहान असो वा मोठे सगळ्यांनाच फटाक्यांची क्रेझ असते. मात्र अशातच काही दुर्दैवी घटनासुद्धा देशात घडतात. पुद्दुचेरी-विल्लुपुरम येथे स्कुटरवर अचानक फटाक्यांचा स्फोट झालाय. या दुर्घटनेत एक व्यक्ती आणि त्याच्या मुलाचा जळून मृत्यू झाला. देशभरात दिवाळी साजरी होत असताना गुरुवारी पुद्दुचेरी-विल्लुपुरम सीमेजवळ ही घटना घडली.
वडील, कलैनासन आणि त्यांचा सात वर्षांचा मुलगा प्रदीप हे गुरुवारी विल्लुपुरम जिल्ह्यातील कोट्टाकुप्पम ईस्ट कोस्ट रोडवरील कुनीमेडू गावात जात असताना ही घटना घडली. फटाक्यांचे बंडल घेऊन दोघे दुचाकीवरून जात होते, आणि अचानक या फटाक्यांना आग लागून मोठा स्फोट झाला. आणि या आगीत दोघांचा जागीच मृत्यू झाला. या घटनेचा एक व्हिडिओ सोशल मीडियावर व्हायरल झाला आहे.
सीसीटीव्ही फुटेजमध्ये कलैनासन स्कूटर चालवताना दिसत आहे, तर त्यांचा मुलगा प्रदीप दुचाकीच्या पुढच्या बाजूला ठेवलेल्या फटाक्यांच्या बंडलवर बसला आहे.
त्यानंतर स्फोट होऊन मुलगा आणि त्याचे वडील जागीच ठार झाल्याचे व्हिडिओमध्ये दिसत आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
