Madhya Pradesh Election Result 2023: मध्य प्रदेशचे मुख्यमंत्री शिवराज सिंह चौहान यांनी राज्यात भाजप पाचव्यांदा सरकार स्थापन करेल, असा विश्वास व्यक्त केला आहे. मध्य प्रदेशमध्ये या महिन्याच्या सुरुवातीला विधानसभा निवडणुका झाल्या असून मतमोजणी (3 डिसेंबर) सुरु झाली आहे. महिलांसाठी त्यांच्या सरकारच्या प्रमुख 'लाडली बहना योजने'चा संदर्भ देत चौहान म्हणाले होते की, भाजप कार्यकर्त्यांनी प्रामाणिक प्रयत्न केले आहेत आणि "लाडली बहना" (योजनेचे लाभार्थी) ने पक्षाचा विजय सुनिश्चित करण्यासाठी सर्वतोपरी प्रयत्न केले आहेत. सिहोर जिल्ह्यातील बुधनी या त्यांच्या गृह मतदारसंघात कार्यकर्त्यांना ते संबोधित करत होते. राज्यात 17 नोव्हेंबरला विधानसभेची निवडणूक झाली.
दरम्यान, चौहान यांच्या नेतृत्वाखालील राज्य भाजप सरकारने या वर्षी मार्चमध्ये पहिल्यांदा लाडली बहना योजना जाहीर केली, ज्या अंतर्गत पात्र महिलांना दरमहा 1,250 रुपये दिले जातात आणि जूनपासून आर्थिक मदतीचे वितरण सुरु झाले. सुरुवातीला या योजनेंतर्गत महिलांना 1,000 रुपयांची आर्थिक मदत दिली जात होती आणि ऑगस्टमध्ये ती वाढवून 1,250 रुपये करण्यात आली. भाजपने यापूर्वी 2003, 2008, 2013 आणि 2020 मध्ये राज्यात सरकार स्थापन केले होते. चौहान म्हणाले की, '3 डिसेंबर रोजी मध्य प्रदेशात भाजप पाचव्यांदा सरकार स्थापन करेल. ते पुढे म्हणाले की, “याबाबत (सरकार स्थापनेबाबत) कोणतीही शंका नाही. त्यामुळे चुरशीची लढत असल्याचे बोलले जात आहे. मात्र अशी परिस्थिती नाही. कार्यकर्त्यांनी कठोर परिश्रम केले आहे आणि लाडली बहना योजनेने सर्व 'अडथळे' पार केले आहेत.'
भाजपने राज्यात केलेल्या कामांसाठी जनता त्यांना आशीर्वाद देईल, असे मुख्यमंत्री चौहान म्हणाले होते. चौहान यांनी 17 नोव्हेंबर रोजी बुधनी विधानसभा मतदारसंघातून सहाव्यांदा निवडणूक लढवली. टीव्ही मालिकेत हनुमानाची भूमिका साकारणारा अभिनेते विक्रम मस्ताल यांना काँग्रेसने चौहान यांच्या विरोधात उभे केले होते. 2019 मध्ये भोपाळ लोकसभा मतदारसंघातून काँग्रेसचे उमेदवार दिग्विजय सिंह यांचा विजय सुनिश्चित करण्यासाठी मिरचीचा वापर करुन 'हवन' केले होते. विशेष म्हणजे, सिंह यांचा पराभव भोपाळच्या विद्यमान खासदार साध्वी प्रज्ञा सिंह ठाकूर यांनी केला होता.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
