Madhya Pradesh Assembly Elections 2023 Ravi Shankar Prasad Press Conference: मध्य प्रदेश विधानसभा निवडणुक 2023 संदर्भात भाजपचे ज्येष्ठ नेते आणि माजी केंद्रीय मंत्री रविशंकर प्रसाद यांनी विरोधी आघाडी I.N.D.I.A. वर जोरदार निशाणा साधला. ते म्हणाले की, 'मध्य प्रदेशात रस्ते बांधणी, लाडली बहना योजना आणि गरिबांचे कल्याण मोठ्या प्रमाणावर झाले. एवढेच नाही तर मध्य प्रदेश आयटी हब म्हणून विकसित होत आहे. हे एक बिमारु राज्य होते.' येथे प्रामाणिकपणे काम केल्याने या राज्याचा विकास झाल्याचे ते म्हणाले.
दरम्यान, एवढ्यावरच न थांबता प्रसाद पुढे म्हणाले की, 'काँग्रेस आपल्या अस्तित्वासाठी काम करत आहे. काँग्रेस गेली अनेक वर्षे सत्तेबाहेर आहे. आज काँग्रेसची अवस्था सर्वांसमोर आली आहे. पूर्वी लालू प्रसादजी कुर्ता फाडून होळी खेळायचे, पण आज राजकारणात कुर्ता फाडण्याचे प्रकार घडत आहेत. आश्‍चर्यकारक गोष्ट म्हणजे हे कोणा लहान लोकांनी सांगितले नाही तर मोठ्या लोकांनी सांगितले आहे.'
एका प्रश्नाच्या उत्तरात रविशंकर प्रसाद म्हणाले की, 'हे मजबूरी वाले जय-वीरु नाहीत. हे काम करतात ते जय-वीरु आहेत. मात्र विरोधी एकजुटीत हे स्पष्टपणे दिसून येत आहे.' यानंतर त्यांनी काँग्रेसवर निशाणा साधत सनातनवर भाष्य केले. सनातनला शिवी दिली गेली, सनातनची तुलना डेंग्यू आणि प्लेग या रोगांशी केली गेली. मात्र, काँग्रेसने यावर दबाव का आणला नाही? असा सवाल प्रसाद यांनी उपस्थित केला.
रविशंकर प्रसाद यांनी PC दरम्यान सांगितले की, विरोधकांचा रामवर आक्षेप आहे. ते म्हणाले की, राम आमचे आहेत असे आम्ही कधीच म्हटले नाही. राम सर्वांचे आहेत. अयोध्येच्या मुद्द्याचा एवढा द्वेष का करता? हे प्रकरण सर्वोच्च न्यायालयात गेले. सर्वोच्च न्यायालयाने यावर स्पष्ट आदेश दिले. तुम्ही (काँग्रेस) एकदा अयोध्येला भेट देऊन यावे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.