Madhya Pradesh Crime: मध्य प्रदेशातील इंदूर जिल्ह्यात कोरोना काळात पत्नीची हत्या आणि नंतर गुप्तपणे तिचा मृतदेह जाळल्याप्रकरणी दोषी ठरलेल्या 52 वर्षीय व्यक्तीला बुधवारी न्यायालयाने जन्मठेपेची शिक्षा सुनावली. अभियोग विभागाच्या अधिकाऱ्याने ही माहिती दिली.
दरम्यान, देपालपूरचे अतिरिक्त सत्र न्यायाधीश नीलेश यादव यांनी दिलीप उर्फ भारतेंदू सिंह (52) यांना भारतीय दंड संहितेच्या कलम 302 (हत्या) आणि कलम 201 (गुन्ह्याचा पुरावा नष्ट करणे) अंतर्गत दोषी ठरवले. सिंह यांना 4 ऑगस्ट 2020 रोजी पत्नी संजू कुंवर (37) हिचा दोरीने गळा आवळून खून केल्याप्रकरणी दोषी आढळले होते. फिर्यादी अधिकाऱ्याने सांगितले की, कोरोना काळात आपल्या पत्नीची हत्या केल्यानंतर, सिंह यांनी सकाळी 6 च्या सुमारास तिचा मृतदेह गावातील स्मशानभूमीत नेला आणि केवळ पाच नातेवाईकांच्या उपस्थितीत तो जाळला. अधिकाऱ्याच्या म्हणण्यानुसार, मृतदेह जाळल्यानंतर सिंह यांनी गावातील लोकांना सांगितले होते की, रात्री त्यांच्या पत्नीने गळफास लावून आत्महत्या केली आहे.
सिंह आणि त्यांच्या पत्नीच्या वयातील तफावत असल्याने या दाम्पत्यामध्ये वारंवार वाद होत होते आणि खून पीडितेला पतीसोबत राहायचे नव्हते, असे त्यांनी सांगितले. हा खटला चालवणारे विशेष सरकारी वकील शिवनाथ सिंह मावई यांनी सांगितले की, सिंह यांना पत्नीच्या हत्येप्रकरणी दोषी सिद्ध करण्यासाठी न्यायालयात 20 साक्षीदार सादर करण्यात आले.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
