जनरल बिपिन रावत यांच्या जयंतीनिमित्त देशभरातून आठवणींना उजाळा

Bipin Rawat Birthday Anniversary : 2020 आणि 21 या वर्षांमध्ये आपल्या देशाने अनेक दिग्गज व्यक्तींना गमावले आहे. त्यापइकी एक महत्वाचे नाव म्हणजे देशातील पहिले सीडीएस जनरल बिपिन रावत (Late CDS Bipin Rawat). आज बुधवारी 16 मार्चला त्यांची जयंती आहे. आज अनेक नेत्यांनी आणि देशभरातील लोकांनी सोशल मीडियावर पोस्ट करत, त्यांच्या आठवणींना उजाळा दिला आहे. माजी केंद्रीय मंत्री आणि माजी मुख्यमंत्री रमेश पोखरियाल निशंक यांनीही बिपीन रावत यांना भावपूर्ण श्रद्धांजली वाहिली. (Late CDS Bipin Rawat Birthday Anniversary News)

चार दशकांच्या कारकिर्दीत रावत यांनी अनेक महत्त्वाच्या पदांवर काम केले. त्यांच्या सेवेत त्यांना अधिक पदके आणि सन्मान मिळाले. गेल्या वर्षी डिसेंबरमध्ये सीडीएस जनरल बिपिन रावत यांचा तामिळनाडूच्या उटीजवळ कुन्नूर येथे हेलिकॉप्टर अपघातात मृत्यू झाला होता. त्यांच्या अशा अपघाती जण्याने संपूर्ण देशभरात हळहळ व्यक्त करण्यात आली होती. मात्र आज त्यांच्या जयंतीनिमित्त पुन्हा एकदा साऱ्या देशाने त्यांना मानवंदना वाहिली आहे.