गोवा कॅसिनोमध्ये (Goa Casino) कर्नाटकातील (Karnataka) एका व्यक्तीने जुगारात 50 लाख रुपये जिंकले. मात्र त्यानंतर गुन्हेगारांनी कर्नाटकातील बागलकोट जिल्ह्यात राहणाऱ्या त्याच्या सात वर्षांच्या भाचीचे अपहरण केले. व्यक्तीकडून पैसे उकळण्याच्या लालसेपोटी हा प्रकार करण्यात आला. मात्र, मुलीची सुखरूप सुटका करून पोलिसांनी आरोपीला अटक केली आहे.
पोलीसांनी या प्रकरणात पाच लोकांना अटक केली आहे. सूत्रांनी दिलेल्या माहितीनुसार, सुरेश बी (नाव बदलले आहे) यांच्या भाचीचे 27 ऑक्टोबर रोजी अपहरण करण्यात आले होते. यावेळी सुरेश गोव्याला गेला होता. तेथे त्याने कॅसिनोमध्ये आपले नशीब आजमावले आणि तो 50 लाख रुपये जिंकला. त्याच्यासोबत त्याचा मित्र भिरप्पाही होता. त्यानंतर मित्र भिरप्पाने त्यीच्याकडून कसिनोमध्ये जिंकलेले पैसे उकळण्याची योजना आखली.
याप्रकरणी पोलिसांनी आतापर्यंत पाच जणांना अटक केली आहे. भिरप्पा, प्रफुल्ल, इरणा, विश्वनाथ आणि कृष्ण अशी त्यांची नावे आहेत. हे सर्वजण कॅब चालक म्हणून काम करतात. पोलिसांनी दिलेल्या माहितीनुसार, 27 ऑक्टोबर रोजी या सर्वांनी मुलीचे ट्यूशन क्लासला जात असताना अपहरण केले. सुरेशला खंडणीसाठी फोन आल्याने त्याची आई त्याचा शोध घेत होती. मात्र त्यावेळी तो गोव्यात होता. रात्री दहा वाजता मुलीच्या आईने पोलिसांत तक्रार दाखल केली होती. पोलिसांनी दिलेल्या माहितीनुसार आरोपी कॉल करण्यासाठी अनेक सिमकार्ड वापरत होते. हे सर्व सिमकार्ड स्थानिक डीलरकडून घेण्यात आले होते.
या व्यापाऱ्याची चौकशी केली असता आरोपीची ओळख समोर आली. 29 ऑक्टोबर रोजी पोलिसांनी सापळा रचून या प्रकरणातील चार आरोपींना पकडले होते. तर एका आरोपीला काल 1 नोव्हेंबर रोजी अटक करण्यात आली.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
