हिजाब वादावर कर्नाटक उच्च न्यायालय उद्या निकाल देणार आहे. या पूर्ण खंडपीठात मुख्य न्यायमूर्ती ऋतुराज अवस्थी, न्यायमूर्ती जेएम खाजी आणि न्यायमूर्ती कृष्णा एम दीक्षित यांचा समावेश असणार आहे. मुस्लीम विद्यार्थिनींना शैक्षणिक संस्थांमध्ये हिजाब घालण्यापासून रोखण्याचा वाद डिसेंबरमध्ये सुरु झाला, तेव्हा कर्नाटकच्या (Karnataka) उडुपी जिल्ह्यातील सहा विद्यार्थिनींनी आवाज उठवला होता. त्यानंतर मुलींनी हायकोर्टात आपली बाजू मांडली होती. तेव्हापासून हे प्रकरण अधिकचं वाढत गेलं.
सध्या कोणतेही धार्मिक पोशाख घालून शाळेत येण्यावर कर्नाटक उच्च न्यायालयाने तात्पुरती बंदी घातली आहे. या खटल्याच्या सुनावणीदरम्यान न्यायालयाने कर्नाटक सरकारच्या वतीने ही सुनावणी केली. हिजाब ही आवश्यक धार्मिक परंपरा नसून धार्मिक निर्देशांना शैक्षणिक संस्थांच्या बाहेर ठेवले पाहिजे, असा युक्तिवाद न्यायालयाने यावेळी केला.
दरम्यान, हिजाब प्रकरणाची सुनावणी करणाऱ्या कर्नाटक उच्च न्यायालयाच्या पूर्ण खंडपीठाकडून राज्याचे महाधिवक्ता प्रभूलिंगा नवदगी म्हणाले, “आमची भूमिका अशी स्पष्ट आहे की, हिजाब ही आवश्यक धार्मिक परंपरा नाही. डॉ. आंबेडकर संविधान सभेत म्हणाले होते की 'आपण आपल्या धार्मिक निर्देश शैक्षणिक संस्थांच्या बाहेर ठेवले पाहिजेत'.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
