कोरोना लसीकरणाबाबत देशात आणखी एक सकारात्मक बाब समोर आली आहे. भारताला लवकरच पहिली एकच डोस असलेली कोरोना लस मिळू शकते. अमेरिकेतील जॉन्सन अँड जॉन्सन कंपनीने आपल्या सिंगल डोस कोरोना लसीच्या भारतामध्ये एमर्जीन्सी वापरासाठी अर्ज केला आहे. यावर लवकरच सरकारकडून निर्णय येऊ शकतो. परदेशी लसींच्या आयातीमुळे भारताच्या लसीकरण मोहिमेची गती वाढण्याची शक्यता आहे. (India will soon get single dose vaccine from johnson and johnson)
कंपनीने सोमवारी दिलेल्या माहितीनुसार, सिंगल-डोस कोरोना लस भारतात आणण्यासाठी आपली पुर्ण तयारी असल्याचे सांगितले आहे. भारत सरकारसोबत सुरू असलेल्या चर्चेमधुन आम्हाला अपेक्षा आहे. जॉन्सन अँड जॉन्सन इंडियाच्या प्रवक्त्याने एका निवेदनात म्हटले आहे की, 5 ऑगस्ट 2021 रोजी जॉन्सन अँड जॉन्सन प्रायव्हेट लिमिटेडने आपल्या सिंगल-डोस कोरोना लसीच्या आपत्कालीन वापरासाठी भारत सरकारकडे मंजुरीसाठी अर्ज केला आहे.
जॉन्सन अँड जॉन्सनच्या लसीच्या आपत्कालीन वापराची मंजुरी तिसऱ्या टप्प्यातील लसीच्या चाचणीच्या परिणामकारकता आणि सुरक्षा डेटावर आधारित आहे. ज्यामध्ये असे म्हटले आहे की, या लसीचा सिंगल डोसचा अभ्यास केलेल्या सर्व क्षेत्रांमध्ये गंभीर रोग रोखण्यासाठी आणि कोविड -19 शी संबंधित हॉस्पिटलायझेशन कमी करण्यासाठी ही लस 85 टक्के प्रभावी आहे. यासह, या लसीमुळे मृत्यूचे प्रमाण देखील कमी होते. लस घेतल्यानंतरच्या 28 दिवसांनी या लसीचे परिणाम दिसतात.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
