'...तर JNUच्या विद्यार्थ्यांना भरावा लागू शकतो 20 हजारांचा दंड'- नवीन नियमावली जाहीर

New JNU Rules: जवाहरलाल नेहरू विश्वविद्यालय ( जेएनयू )हे सतत चर्चेत राहणारी युनिव्हर्सिटी आहे. आता जेएनयूने विद्यार्थ्यांसाठी नवीन नियमावली जाहीर केली आहे. विद्यार्थ्यांनी जर युनिव्हर्सिटी परिसरात आंदोलन केले तर 20 हजार रुपए दंड भरावा लागणार आहे.

याबरोबरच विद्यार्थी हिंसा करताना आढळून आले तर विद्यार्थ्यांचा दाखला रद्द केला जाऊ शकतो किंवा 30 हजार रुपयांचा दंड भरावा लागू शकतो.

जेएनयूच्या विद्यार्थ्यांसाठी शिस्तीचे नियम आणि उचित आचरण या दहापानी नियमावलीत कोणत्या गुन्ह्यासाठी कोणती शिक्षा दिली जाणार आहे याची नोंद केली गेली आहे. त्याबरोबरच नियम भंग केल्यावर कशाप्रकारे त्याची पडताळणी केली जाईल याची प्रक्रियादेखील स्पष्ट केली गेली आहे.

मिळालेल्या माहितीनुसार, जेएनयुमध्ये बीबीसी( BBC )ची 'इंडिया :द मोदी क्वेश्चन' ही वादादित डाक्युमेंटरीच्या प्रदर्शित करण्याला विरोध प्रदर्शनानंतर हे नियम लागू केले आहेत. जेएनयु( JNU )च्या अखिल भारतीय विद्यार्थी परिषदेने या नवीन नियमांवर टीका करताना तुघलकी फरमान म्हटले आहे.