Prajwal Revanna Sexual Abuse Case: आगामी लोकसभा निवडणुकीच्या पार्श्वभूमीवर कर्नाटकातील राजकारण चांगलंच ढवळून निघत आहे. कर्नाटकातील हसन येथील खासदार प्रज्वल रेवन्ना यांच्यावर महिलांचा लैंगिक छळ केल्याचा आरोप आहे. यातच आता, लैंगिक शोषणाच्या आरोपांनी घेरलेले जनता दलचे नेते प्रज्वल रेवन्ना जर्मनीला पळून गेले आहेत का? या प्रश्नावर परराष्ट्र मंत्रालयाने सडेतोड उत्तर दिले आहे.
परराष्ट्र मंत्रालयाचे प्रवक्ते रणधीर जयस्वाल यांनी सांगितले की, मंत्रालयाने खासदार रेवन्ना यांना इतर कोणत्याही देशाचा व्हिसा जारी केलेला नाही. ते म्हणाले की, खासदारांच्या जर्मनी दौऱ्याबाबत परराष्ट्र मंत्रालयाकडून कोणतीही राजनितीक मंजुरी मागितली गेली नाही किंवा जारी केली गेली नाही. वरवर पाहता, व्हिसा नोट देखील जारी केली गेली नाही. ते पुढे म्हणाले की, मंत्रालयाने खासदार प्रज्वल रेवन्ना यांच्यासाठी इतर कोणत्याही देशासाठी व्हिसा नोट जारी केलेली नाही, होय, त्यांनी राजनैतिक पासपोर्टवर प्रवास केला होता.
दरम्यान, कर्नाटकचे मुख्यमंत्री सिद्धरामय्या यांनी बुधवारी पंतप्रधान नरेंद्र मोदी यांना पत्र लिहून प्रज्वलचा डिप्लोमॅटिक पासपोर्ट रद्द करण्याची आणि पोलिस चॅनेल वापरुन त्यास परत देशात आणण्याची व्यवस्था करावी अशी विनंती केल्यानंतर हे स्पष्टीकरण आले आहे.
दुसरीकडे, JD(S) चे संस्थापक आणि माजी पंतप्रधान एचडी देवेगौडा यांचे नातू प्रज्वल यांना त्यांच्यावरील लैंगिक छळाच्या आरोपांची चौकशी करण्यासाठी SIT समोर हजर राहण्यास सांगण्यात आल्यानंतर हे पत्र आले आहे. त्यासाठी त्यांनी सात दिवसांचा अवधी मागितला आहे. एसआयटीने 33 वर्षीय प्रज्वल आणि त्यांचे वडील एचडी रेवन्ना यांना नोटीस बजावली, ज्यांना एका महिलेच्या तक्रारीच्या आधारावर आरोपी बनवले आहे.
दरम्यान, प्रज्वल यांच्यावरील लैंगिक शोषणाच्या आरोपांची चौकशी करणाऱ्या एसआयटीने मंगळवारी लुकआउट नोटीस जारी केली आहे. प्रज्वल निर्धारित वेळेत हजर झाले नाहीत आणि त्यांनी त्यांच्या वकिलामार्फत आणखी वेळ मागितला होता. दरम्यान, लैंगिक शोषणाच्या आरोपांमुळे कर्नाटकातील राजकारण चांगलेच तापले आहे. याआधी भाजपचे सर्वोच्च नेते आणि केंद्रीय गृहमंत्री अमित शाह यांनी महिलांवर अत्याचार करणाऱ्यांच्या पाठीशी भाजप उभा राहणार नाही, असे सांगत कठोर कारवाई करण्याबाबत बोलले होते.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
