Jammu Kashmir News: जम्मू-काश्मीरमध्ये सुरक्षा दलांना मोठे यश मिळाले आहे. जम्मू-काश्मीरमधील कठुआ परिसरातून मोठ्या प्रमाणात स्फोटके जप्त करण्यात आली आहेत. सुरक्षा दलांनी 3 IED आणि 3 स्टिक बॉम्ब जप्त केले आहेत. सुरक्षा दलांनी जैशचा दहशतवादी झाकीर हुसेन भट याला अटक केली होती. त्याची चौकशी केल्यानंतर त्या भागात छापा टाकला, जिथे हे स्फोटक जप्त करण्यात आली. सुरक्षा दलांकडून अजूनही परिसरात शोध मोहीम सुरु आहे.
जैशचा दहशतवादी झाकीरच्या चौकशीनंतर छापेमारी
या प्रकरणाची माहिती देताना एडीजीपी जम्मू मुकेश सिंह (ADGP Jammu Mukesh Singh) यांनी सांगितले की, 'सुरक्षा दलाने ही कारवाई जैशचा दहशतवादी (Terrorist) झाकीर हुसैन भट्टच्या चौकशीनंतर केली आहे.' उधमपूर स्फोटानंतर सतर्क झालेल्या जिल्हा पोलिसांनी मालाड, बिल्लावरचा रहिवासी झाकीर याला पकडले होते.
याशिवाय, पोलिसांनी (Police) कठुआ परिसरात सीमेजवळ संशयास्पद फुगा जप्त केला आहे. या फुग्यावर पाकिस्तानच्या (Pakistan) समर्थनाचा नारा लिहिण्यात आला होता. मिळालेल्या माहितीनुसार, फुग्यावर 'आय लव्ह पाकिस्तान' असे लिहिले होते. पोलिसांनी हा फुगा ताब्यात घेतला आहे. सध्या सुरक्षा यंत्रणा या फुग्याच्या तपासात गुंतल्या आहेत.
कोण आहे दहशतवादी झाकीर?
झाकीर सोशल मीडिया अ‍ॅप्सच्या मदतीने पाकिस्तानमध्ये बसलेल्या जैशच्या दहशतवाद्यांच्या संपर्कात होता. त्याच्याकडून आयईडी जप्त करण्यात आला आहे. तो खोऱ्यात मोठ्या हल्ल्याची योजना आखत होता, असे सांगण्यात येत आहे. यापूर्वीही एका प्रकरणात तो दोषी आढळला होता. विशेष म्हणजे, तो 14 वर्षे कोट भालवाल कारागृहात होता. मात्र 2019 मध्ये त्याची सुटका झाली होती. तुरुंगातून बाहेर पडल्यानंतर तो पुन्हा दहशतवादी गटामध्ये सामील झाला होता.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
