वैष्णोदेवीला जाणाऱ्या यात्रेकरूंच्या बसला लागली आग, होरपळून चौघांचा मृत्यू

वैष्णोदेवीला जाणाऱ्या यात्रेकरूंच्या बसला आग लागली. या घटनेत चार जणांचा मृत्यू झाला आहे. तर 22 जण जखमी आहेत. जम्मू-काश्मीरमधील रियासी जिल्ह्यातील कटराजवळ वैष्णोदेवी यात्रेकरूंना घेऊन जाणाऱ्या बसला शुक्रवारी आग लागून किमान चार जणांचा मृत्यू झाला. तर 22 जण जखमी झाले आहेत. (vaishno devi pilgrims catches fire near katra of jammu kashmir)

वृत्तानुसार, कटरापासून तीन किलोमीटर अंतरावर असलेल्या नोमाईजवळ बसमधून मोठ्या संख्येने यात्रेकरू जम्मूला जात होते. जखमींना रुग्णालयात दाखल करण्यात आल्याचे अधिकाऱ्यांनी सांगितले.

कटरा हे प्रसिद्ध वैष्णोदेवी मंदिरात येणाऱ्या यात्रेकरूंसाठी बेस कॅम्प आहे. जम्मू विभागाचे अतिरिक्त पोलीस महासंचालक (एडीजी) मुकेश सिंग यांनी पत्रकारांना सांगितले की, प्राथमिक तपासात स्फोटकांचा वापर झाल्याचे समोर आले नसले तरी फॉरेन्सिक टीम आगीचे कारण तपासत आहे.