Vaccine
Dainik Gomantak
देशातील निम्म्याहून अधिक लोकांचे कोविड-19 लसीकरण पूर्ण झाले आहे, अशी माहिती केंद्रीय आरोग्य मंत्री मनसुख मांडविया (Mansukh Mandaviya) यांनी सोमवारी राज्यसभेत दिली. मांडविया म्हणाले की, "आमच्या आरोग्य कर्मचार्यांच्या प्रयत्नांमुळे, देशात 88% लोकांना पहिला डोस आणि 58% लोकांना दुसरा डोस मिळालेला आहे. राज्यांकडे आणि केंद्रशासित प्रदेशांकडे लसीचे पुरेसे डोस उपलब्ध आहेत आणि येत्या दोन महिन्यात लस उत्पादन क्षमता वाढवली जाईल."
ते पुढे म्हणाले, “भारतामध्ये (India) दर महिन्याला लसीचे (Vaccine) 31कोटी डोस तयार केले जातात. पुढील 2 महिन्यात ही क्षमता दरमहा 45 कोटी डोसपर्यंत वाढेल. आम्ही दररोज परिस्थितीचे निरीक्षण करत आहोत.” केंद्रीय आरोग्य मंत्रालयाने सोमवारी प्रसारित केलेल्या माहितीनुसार, गेल्या 24 तासांत 6,563 लोकांना कोरोनाव्हायरसची (Coronavirus) लागण झाली आहे आणि 132 लोकांचा मृत्यू झाला आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.