युक्रेनमध्ये अफगाणिस्तानसारखी परिस्थिती निर्माण होण्याची अपेक्षा भारताला नव्हती पण...

युक्रेनविरुद्धचे युद्ध आणखी लांबणीवर पडू नये अशी रशियाची (Russia-Ukraine) इच्छा आहे. युक्रेनला आत्मसमर्पण करण्यास भाग पाडण्यासाठी रशियाने मंगळवारी युक्रेनमधील नागरी वसाहतीवर हल्ले करण्यासही मागेपुढे पाहिले नाही. हे युद्ध लवकर संपवण्याच्या रशियाने केलेल्या या कृत्यामुळे आणि मोहिमेवरच्या या वृत्तीमुळे भारताची चिंता वाढली आहे. (Indian Government did not expect situation become like afghanistan in russia ukraine)

युक्रेन युद्धात आपली स्थिती अफगाणिस्तानसारखी (Afghanistan) होणार नाही, अशी भारताची अपेक्षा होती. रशिया आणि युक्रेनमध्ये भारतविरोधी मानसिकता नाही. त्यामुळेच युद्ध सुरू होऊनही तालिबानने अफगाणिस्तानवर ताबा मिळवल्यानंतर निर्माण झालेल्या चिंताजनक वातावरणातही भारत काही प्रमाणात निवांत होता. या युद्धात आपले नागरिक लक्ष्य होणार नाहीत, अशी भारताला आशा होती. मात्र, मंगळवारी वैद्यकीय विद्यार्थी नवीनच्या मृत्यूने भारताच्या आशेवर पाणी फेरले गेले.

सरकारी सूत्रांनी दिलेल्या माहितीनुसार, रशियाला खात्री होती की युक्रेन युद्धाच्या दुसऱ्या किंवा तिसऱ्या दिवशी शस्त्रे टाकतील आणि शरणागती पत्करतील. मात्र तसे न झाल्याने रशियाने युक्रेनची राजधानी कीवसह इतर महत्त्वाच्या शहरांवर पूर्ण ताकदीनिशी हल्ला केला. युक्रेनला शस्त्रे ठेवण्यास भाग पाडण्यासाठी रशिया आपला हल्ला तीव्र करत आहे आणि अणुयुद्धाला सुरवात करण्याच्या तयारीत आहे.

भारताची समस्या काय आहे

भारताच्या अडचणीची अनेक कारणे आहेत. खरं तर, कीवसह त्या महत्त्वाच्या शहरांमध्ये मोठ्या संख्येने नागरिक अडकले आहेत, जेथून आपल्या नागरिकांना बाहेर काढणे भारतासाठी सोपे नाही. समस्या अशी आहे की कीवसारख्या महत्त्वाच्या आणि मोठ्या शहरात राहणाऱ्या भारतीयांना शेजारील देशाच्या सीमेपर्यंत पोहोचण्याचा मार्ग सापडत नाही. या युद्धाभिमुख भागात वाहतूक सेवा ठप्प झाल्यामुळे सर्व नागरिक त्रस्त झाले आहेत.

भारतीय विद्यार्थी का बाहेर पडू शकले नाहीत

सरकारी सूत्रांनी सांगितले की भारताला परिस्थितीची तीव्रता माहित आहे. यामुळे भारत सरकारने आपल्या नागरिकांना युक्रेन सोडण्यास सांगण्यासाठी अनेक सूचना जारी केल्या. एका वरिष्ठ अधिकाऱ्याच्या म्हणण्यानुसार, तेथील वैद्यकीय विद्यार्थी बहुतेक मध्यम आणि निम्न मध्यमवर्गातील आहेत. युद्धानंतरही युक्रेनने या विद्यार्थ्यांना ऑनलाइन अभ्यास आणि परीक्षांचे आश्वासन दिले नाही, त्यामुळे भविष्य आणि करिअरच्या भीतीने हे विद्यार्थी युक्रेनमध्येच अडकून राहिले. या अधिकाऱ्याने दिलेल्या माहितीनुसार, युक्रेनमध्ये 20,000 भारतीय नागरिक होते. त्यापैकी 15,000 वैद्यकीय विद्यार्थी होते. हे युद्ध सुरू होण्यापूर्वी किंवा युद्धाच्या पहिल्या दिवशी पाच हजार लोकं भारतात परतले. मात्र, मेडिकलचे विद्यार्थी परतले नाहीत.

खासदारांनी विद्यार्थ्यांची माहिती परराष्ट्र मंत्रालयाला द्यावी: जयशंकर

परराष्ट्र व्यवहार मंत्री एस जयशंकर यांनी खासदारांना युक्रेनमध्ये अडकलेल्या भारतीय विद्यार्थ्यांची आणि नागरिकांची माहिती थेट त्यांच्या कार्यालयात देण्यास सांगितली. जेणेकरून त्यांचे परत येणे सोपे होईल. रशियाने युक्रेनवर केलेल्या हल्ल्यानंतर तेथे अडकलेल्या भारतीय नागरिकांच्या कुटुंबीयांकडून अनेक खासदारांना फोन येत आहेत. परराष्ट्र मंत्र्यांनी सोमवारी संसदेसोबत ई-मेल आयडी आणि व्हॉट्सअॅप क्रमांक शेअर केले ज्यावर ते आपली लेटेस्ट माहिती पाठवू शकतात.

कीवच्या बिघडलेल्या स्थितीमुळे भारताची चिंता वाढली

रशियाने युक्रेनची राजधानी कीववर केलेल्या हल्ल्यामुळे बिघडलेल्या परिस्थितीने भारताची चिंता वाढवली आहे. रशियन सैन्याकडून आणखी मोठा हल्ला होण्याची भीती असताना भारतीय दूतावासाने आपल्या नागरिकांना ताबडतोब आहे त्या परिस्थितीत कीव सोडण्याचा सल्ला दिला आहे. दूतावासाने म्हटले आहे की भारतीय नागरिकांनी मंगळवारी कीव सोडावे जे काही साधन उपलब्ध असेल त्याद्वारे किवमधून बाहेर पडावे. युक्रेन रशिया वादामुळे राष्ट्रपती रामनाथ कोविंद यांनी आपला विदेश दौरा पुढे ढकलला आहे.