'आपण तर अमेरिकेचे गुलाम',स्वातंत्र्यावरून काँग्रेस नेत्याचं वादग्रस्त विधान

बॉलिवूड अभिनेत्री कंगना राणौतनंतर (Kangana Ranaut) आता काँग्रेसचे (Congress) ज्येष्ठ नेते मणिशंकर अय्यर (Mani Shankar Aiyar) यांनी देशाच्या स्वातंत्र्याबाबत वादग्रस्त विधान केले आहे. मणिशंकर अय्यर यांनी काल राजधानी दिल्लीत एका चर्चासत्रात आपण 2014 पासून अमेरिकेचे (America) गुलाम आहोत, असे म्हटले आहे . मणिशंकर अय्यर म्हणाले की, गेल्या सात वर्षांपासून आपण अमेरिकेचे गुलाम बनून बसलो आहोत.(India is America's slave congress leader Mani Shankar Aiyar controversial statement on freedom)

यावेळी काँग्रेस नेते मणिशंकर अय्यर म्हणाले की, "गेल्या 7 वर्षात आपण पाहत आहोत की, अलिप्ततेची चर्चा होत नाही. शांततेची चर्चा तर होतच नाही. आपण अमेरिकन लोकांचे गुलाम बनून बसलो आहोत आणि … ते म्हणतात चीनपासून सुटका. आपण चीनचे सर्वात जवळचे मित्र आहात असे म्हणूया.ते जे सांगत होते त्याचा तळागाळात भारत-रशिया संबंध वर्षानुवर्षे जुने आहेत, पण मोदी सरकार आल्यापासून हे नाते कमकुवत झाले आहे." मणिशंकर अय्यर म्हणाले की, 2014 पर्यंत रशियाशी आमचे जे संबंध होते, ते खूपच कमी झाले आहेत आणि त्या संबंधाला आता कुठे तरी ठेच पोहचत आहे.

यापूर्वी देखील मणिशंकर अय्यर यांनी "अकबरने देशावर 20 वर्षे राज्य केले. हे लक्षात घेऊन मी राहत असलेल्या रस्त्याचे नाव अकबर रोड असे ठेवले. आमची हरकत नव्हती. महाराणा प्रताप रस्ता बनवा असे आम्ही कधीच म्हटले नाही, कारण आम्ही अकबराला आपलाच मानतो आणि त्याचे अस्तित्वात नाही असे तर आम्ही मानत नाही."

दरम्यान काही दिवसांपूर्वीच बॉलिवूड अभिनेत्री कंगना रानौत हिने देखील असेच काहीतरी वादग्रस्त विधान केले होते. 1947 मध्ये मिळालेल्या स्वातंत्र्याची भीक मागताना 2014 मध्ये देशाला स्वातंत्र्य मिळाल्याचे कंगना रणौत म्हणाली होती. तर दुसरीकडे काँग्रेसचे मणिशंकर आजही देशाला गुलाम मानतात. कंगनाने आपल्या वक्तव्याने भाजपची अडचण कुठेतरी वाढवली आणि आता तेच काम मणिशंकर काँग्रेससाठी करत आहेत. मणिशंकर अय्यर हे अनेकदा तेव्हाच सक्रिय असतात जेव्हा देशात कुठेतरी महत्त्वाची निवडणूक असते आणि त्यांचा वादांशी चांगला संबंध असतो. आणि आता देशातील 5 मोठया राज्यांमध्ये निवडणुका जवळ आल्या आहेत.