'अधुरा मिलन', प्रेयसीला भेटण्यासाठी गेलेल्या प्रियकराचा काढला काटा

लखनौच्या जुगराजगंज, रहिमाबादमध्ये मैत्रिणीला भेटण्यासाठी घरी पोहोचलेल्या रोहितची चाकूने हत्या करण्यात आली आहे. मुलीच्या चुलत भावाने रोहितला घराच्या भिंतीवर चढताना पाहिले होते. त्यानंतर आरोपीने त्याच्यावर चाकूने हल्ला केला. फरार आरोपीचा पोलीस (Police) शोध घेत आहेत. (In Rahimabad Lucknow a lover was killed when he reached home to meet his girlfriend)

एसपी ग्रामीण हृदयेश कुमार यांनी दिलेल्या माहितीनुसार, माल काकराबादमध्ये राहणारा रोहित कुमार याची काजलशी मैत्री होती. शनिवारी काजलचे कुटुंबींय एका लग्न समारंभासाठी गेले होते. तेव्हा काजल घरी एकटीच होती. याबाबत माहिती मिळताच रोहित रात्री एक वाजण्याच्या सुमारास तिच्या घरी पोहोचला. भिंतीवर चढत असताना रोहीतला काजलचा चुलत भाऊ अमित याने पाहिले. पाठलाग करत अमित रोहितपर्यंत पोहोचला आणि त्यानंतर त्याने त्याच्यावर चाकूने वार केला. रक्ताच्या थारोळ्यात पडलेला रोहित जीव वाचवण्यासाठी धावत सुटला. मात्र काही पावले चालल्यानंतर तो अडखळला आणि पडला.

एसपी ग्रामीणने दिलेल्या माहितीनुसार, रोहितचा मृतदेह त्याच्या मैत्रिणीच्या (Girlfriend) घरात पडून होता. पोलिसांना माहिती मिळाल्यानंतर मृतदेहाची ओळख पटली. त्याचवेळी पोलीस खून करणाऱ्या अमितचा शोध घेत आहेत.