Video: 'हिजाब उतारो', कर्नाटकात शाळेच्या आवारातच मुलींना काढायला लावला हिजाब

कर्नाटकातील (Karnataka) मंड्या जिल्ह्यातील सरकारी अनुदानित शाळेतील विद्यार्थिनींना सोमवारी शाळेच्या आवारात प्रवेश करण्यापूर्वी हिजाब काढण्यास सांगण्यात आले. गेल्या आठवड्यात उच्च न्यायालयाने (High Court) अंतरिम आदेशात म्हटले होते की, शैक्षणिक संस्था पुन्हा सुरु होऊ शकतात, परंतु धर्माशी संबंधित पोशाख परीधान करण्यास परवानगी दिली जाणार नाही. (In Karnataka Girls Were Asked To Remove Their Hijab On School Premises)

दरम्यान, एएनआय या वृत्तसंस्थेने शेअर केलेल्या व्हिडिओमध्ये, महिला (Teacher) हिजाब परीधान केलेल्या विद्यार्थींनीना शाळेच्या गेटवर थांबवते. त्यानंतर त्यांना हिजाब काढण्यास सांगते. तर दुसरीकडे काही पालक त्यांच्या मुलींना (Girls) शाळेत प्रवेश करण्यास मनाई केल्यामुळे वाद घालताना व्हिडीओमध्ये दिसत आहेत. वादानंतर मुलींनी हिजाब काढून शाळेच्या आवारात प्रवेश केला.